Month: December 2024

ខេត្តព្រៃវែង÷ស្នងការនគរបាលខេត្តព្រៃវែងបានឲ្យដឹងថា មូលហេតុដែលនៅឲ្យកម្លាំងនគរបាលព្រហ្មទណ្ឌ ផ្ទុះអាវុ.ធ គឺព្រោះតែរថយន្តម៉ាកស្តារិច ត្រូវសមត្ថកិច្ចស្ទាក់ជាប់ហើយតែមិនឈប់ ហើយថយបំបុ.កសមត្ថកិច្ច និងព្យាយាមបើករត់គេច ទាំងរថយន្តបិទស្កុតខ្មៅ ដែលសមត្ថកិច្ចពិបាកកំណត់មុខសញ្ញា ទើបសម្រេចចិត្តបំផ្ទុះអាវុធមុន ស្នងការនគរបាលខេត្តព្រៃវែង បានឲ្យដឹងថា មូលហេតុភាគីរថយន្តមិនព្រមឈប់ គឺព្រោះតែអ្នកបើករថយន្តភិតភ័យ និងដោយសារតែប្រញាប់បញ្ជូនកុមារទៅព្យាបាលជំងឺនៅរាជធានីភ្នំពេញ។ស្នងការនគរបាលខេត្តព្រៃវែង បានឱ្យដឹងថា កម្លាំងនគរបាលព្រហ្មទណ្ឌបានទទួលស្គាល់ចំពោះកំហុសនៃការបំផ្ទុះអាវុធមួយនេះ និងបានសហការទទួលខុសត្រូវតាមផ្លូវច្បាប់៕

សេចក្តីប្រកាសព័ត៌មាន របស់រាជរដ្ឋាភិបាលកម្ពុជាណែនាំដល់ក្រសួងស្ថាប័នពាក់ព័ន្ធ ឱ្យកែលម្អ និងសម្រួលនីតិវិធីក្នុងការផ្តល់ទិដ្ឋាការតាមប្រព័ន្ធ e-Visa និង ប្រព័ន្ធ e-Arrival ឱ្យមកនៅក្នុង Ecosystem តែមួយរបស់រាជរដ្ឋាភិបាល និងបញ្ចុះតម្លៃទិដ្ឋាការ អេឡិចត្រូនិក(e-Visa) ប្រភេទទេសចរ(T) និងប្រភេទធម្មតា(E) ឱ្យបានសមស្រប។ ដែលនឹងចាប់ផ្តើមអនុវត្តចាប់ពីថ្ងៃទី១ ខែមករា ឆ្នាំ២០២៥ តទៅ។ តម្លៃទិដ្ឋាការអេឡិចត្រូនិក ត្រូវបានបញ្ចុះតម្លៃដូចខាងក្រោម ៖ ១/​ e-Visa T បញ្ចុះតម្លៃពី ៣៦ (សាមសិបប្រាំមួយ) ដុល្លារអាម៉េរិក មកនៅត្រឹម ៣០​(សាមសិប) ដុល្លារអាមេរិក។ ២/​ e-Visa E បញ្ចុះតម្លៃពី ៤២​ (សែសិបពីរ) ដុល្លារអាម៉េរិក មកនៅត្រឹម ៣៥​ (សាមសិបប្រាំ) ដុល្លារអាមេរិក។ រាជធានីភ្នំពេញ ថ្ងៃសៅរ៍ ទី២៨ ធ្នូ ២០២៤

សម្តេចតេជោ ហ៊ុន សែនប្រធានព្រឹទ្ធសភា នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់ ព្រះរាជាណាចក្រកម្ពុជា អញ្ជើញទស្សនាកំពែងឌីរីយ៉ា (Diriyah Gate) និងភូមិទេសចរណ៍ធម្មជាតិ អាល់-ប៊ូចារី ( AL-Bujairi) រដ្ឋធានីរីយ៉ាដ ព្រះរាជាណាចក្រអារ៉ាប៊ីសាអូឌិត រសៀលថ្ងៃទី៨ ខែធ្នូ ឆ្នាំ២០២៤

សូមជម្រាបជូនដំណឹងចំពោះថ្នាក់ដឹកនាំខេត្តតាកែវអំពីដីប៉ុន្មានជាច្រើនហិចតា តើត្រូវបានរថយន្តដឹកដីហុយទ្រលោម ចាក់ស្ងាត់ៗដោយមិនដឹងថាធ្វើអ្វីឱ្យច្បាស់លាស់ពិតប្រាកដនោះទេ។ ខេត្តតាកែវ :យោងតាមទិដ្ឋភាពជាក់ស្ដែងដែលប្រជាពលរដ្ឋបានជម្រាបដំណឹងមកថាសូមឲ្យអ្នកសារព័ត៌មានជួយធ្វើការផ្សាយដំណឹងជូនទៅដល់ថ្នាក់ដឹកនាំខេត្តអំពីការដឹកជញ្ជូនដីដែលនាំឲ្យប៉ះពាល់បរិស្ថាន ប៉ះពាល់ទៅដល់សុវត្ថិភាពផ្នែកសុខភាពសាធារណៈ និងសុវត្ថិភាពតាមដងវិថីខណៈដែលមានល្អងធូលីធ្លាក់ ដោយសាររថយន្តខ្លះបើកបរមិនគ្រប ជាងនេះទៅទៀតដីបឹងមួយកន្លែងនេះដែលជាប់ផ្លូវជាតិលេខ២ នៅចំណុចភូមិសាស្ត្រឃុំ ៨មុំ ស្រុកត្រាំង ខេត្តតាកែវ នៅចំណុចគីឡូបង្គោលលេខ៩៥ មានរថយន្តរាប់សិបគ្រឿងធ្វើការចាក់យ៉ាងរហ័ស ដោយប្រជាពលរដ្ឋមិនដឹងថា ការចាក់ដីលុបទីតាំងខាងលើនេះក្នុងគោលបំណងអភិវឌ្ឍន៍អ្វីឲ្យពិតប្រាកដនោះទេ សូម្បីតែស្លាកប៉ាដាឬប៉ាណូក៏មិនមានការលើកនោះដែរ មានតែប្រជាពលរដ្ឋឮៗតគ្នាថាជាការចាក់ដើម្បីសាងសង់រោងចក្រ។ នៅក្នុងន័យនេះតើការចាក់ដីលុបបឹងជាប់ផ្លូវនេះពិតជាការកសាងរោងចក្រមែនដែរឬទេ? សាធារណជនក៏ដូចជាប្រជាពលរដ្ឋទូទៅសូមធ្វើការសំណូមពរឲ្យ ឯកឧត្តម វុី សំណាង អភិបាលខេត្ត និងមន្ត្រីជំនាញពាក់ព័ន្ធធ្វើការបញ្ជាក់ព័ត៌មានឲ្យច្បាស់ជៀសវាងសាធារណជនមានការយល់ច្រឡំទៅនឹងរូបភាពអ្វីផ្សេងៗដទៃទៀត ដែលកន្លងមកមានអ្នកមានលុយ ឬឧកញ៉ា មួយចំនួនតូចមានសកម្មភាពរំលោភយកដីសាធារណៈរបស់រដ្ឋធ្វើជាកម្មសិទ្ធិផ្ទាល់ផ្ទាល់ខ្លួន។ ជុំវិញករណីខាងលើនេះសារព័ត៌មានរបស់យើងមិនទាន់ធ្វើការទំនាក់ទំនងបាន។ដោយសារពុំមានលេខទូរសព្ទអាជ្ញាធរឬមន្ត្រីពាក់ព័ន្ធនោះឡើយ។ អង្គភាពផ្សារព័ត៌មានរបស់យើងនឹងរង់ចាំធ្វើការចុះផ្សាយជាបន្តបន្ទាប់ដែលទទួលបានចេញពីប្រភពពាក់ព័ន្ធទាំងអស់។គ្រប់ពេលវេលា និងម៉ោងធ្វើការស្ដីពីធម្មនុញ្ញភាពអ្នកសារព័ត៌មាននៅកម្ពុជា។សូមអរគុណ។

ការដឹកជញ្ជូននិងចរាចរណ៍ចេញចូល និងជាទីកន្លែងដែលផលិតបារីដ៏ធំ សូមថ្នាក់ដឹកនាំខេត្តកណ្ដាល និងស្ថាប័នក្រសួងពាក់ព័ន្ធចុះស្រាវជ្រាវ:(វគ្គ១) ក្រុងតាខ្មៅ ខេត្តកណ្តាល ÷ តាមប្រភពផ្ដល់ព័ត៌មាន និងទិដ្ឋភាពជាក់ស្ដែងនៃការដឹកជញ្ជូនបារីចេញចូលឬក៏ជាទីកន្លែងផលិតបារីដ៏ធំមួយដែលធ្វើឲ្យមានការបាត់បង់ចំណូលរបស់រដ្ឋ និងបង្ករភាពប៉ះពាល់ផ្នែកសុខមាលភាពដល់ពលរដ្ឋ។នៅក្នុងតំបន់ តើក្រុមហ៊ុនដែលមានឈ្មោះថា ក្រុមហ៊ុន លីណាណា អុិនធើណេសិនណល ត្រេឌីង ខូ អិលធីឌី ( LI NANA INTERNATIONAL TRADING CO., LTD) ដែលមានទីតាំងស្ថិតនៅភូមិព្រែកតាព្រីង សង្កាត់សិត្បូ ក្រុងតាខ្មៅ ខេត្តកណ្តាល សូមថ្នាក់ដឹកនាំខេត្តកណ្ដាល ឯកឧត្តម គួច ចំរើន ក្រសួងពាណិជ្ជកម្ម នាយកដ្ឋាន ប.ប ក ក្រសួងសេដ្ឋកិច្ចនិងហិរញ្ញ នាយកដ្ឋានថ្នាំជក់(ការពារសុខមាលភាពពលរដ្ឋ) វិស័យបំផុតក្រសួងឧស្សាហកម្ម វិទ្យាសាស្រ្ត បច្ចេកវិទ្យា និង នវានុវត្តន៍  ។ សារព័ត៌មានរបស់យើង និងធ្វើការចេញផ្សាយជាបន្តបន្ទាប់បន្ថែមទៀតជុំវិញ ប្រភពព័ត៌មានទាំងអស់នេះដើម្បីជម្រាបដំណឹងជូនទៅដល់រាជរដ្ឋាភិបាលកម្ពុជាថ្នាក់ជាតិនិងក្រោមជាតិដើម្បីជ្រាបជាព័ត៌មាន។

ឱអនិច្ចារ្យបងប្អូនអើយ ឥឡូវនេះគាត់ស្លាប់បាត់ទៅហើយ…កើតចាស់ឈឺស្លាប់វាមិនទៀងទេ ក៏ប៉ុន្តែសេចក្តីស្លាប់វាទៀង ទៀងត្រង់ថាស្លាប់នេះគឺស្លាប់ដោយសារការបាញ់ប្រហារដោយស្នាដៃ ពួកបទល្មើសព្រៃឈើ។ ជម្រាបសួរពុកម៉ែមីងបងប្អូនអ្នកទស្សនាទាំងអស់ជាទីស្រឡាញ់ ដោយការរង់ចាំពីមួយម៉ោងទៅមួយម៉ោងអំពីករណីអ្នកសារព័ត៌មានម្នាក់ដែលមានឈ្មោះថា ឈៀង ឈឹង ដែលបានចូលសង្គ្រោះបន្ទាន់នៅមន្ទីរពេទ្យខេត្តសៀមរាប ឥឡូវជាអកុសលគាត់ត្រូវបានស្លាប់បាត់បង់ជីវិតទៅហើយ។ ខេត្តសៀមរាប : សូមរំលឹកផងដែរថាកាលពីយប់ថ្ងៃទី៤ ខែធ្នូឆ្នាំ ២០២៤ លោកតាដែលជាអ្នកសារព័ត៌មានត្រូវបានបុរសម្នាក់ដែលជាអ្នករកស៊ីដឹកជញ្ជូនព្រៃឈើ លក់ទៅឲ្យក្រុមឈ្មួញដែលជាឧក្រិដ្ឋជនព្រៃឈើមួយចំនួន បានធ្វើការបាញ់ប្រហារដោយគ្រាប់កាំភ្លើងស្ងប់ត្រូវចំកន្លែងសំខាន់រួចត្រូវបានគ្រូពេទ្យសង្គ្រោះព្យាបាលជាបន្ទាន់ផងដែរ តែជាអកុសលឥឡូវនេះគាត់បានទទួលមរតកភាពបាត់ទៅហើយ។ ស្ថាប័នអង្គភាពអ្នកសារព័ត៌មាននៅកម្ពុជា សុំធ្វើសេចក្តីជូនដំណឹងដោយប្រកាស និងថ្កោលទោសចំពោះឧក្រិដ្ឋកម្មព្រៃឈើ ដើរឈានទៅដល់ការបាញ់ប្រហារលើអ្នកសារព័ត៌មាន បើទោះបីករណីនៃការឆ្លើយបំភ្លឺរបស់ជនសង្ស័យជាជនដៃដល់គឺជាគំនុំផ្ទាល់ខ្លួនក៏មែនពិត តែក៏ជាសញ្ញាមួយដែលចង្អុលបង្ហាញអំពីក្រុមឈ្មួញជាឧក្រិដ្ឋជនមួយចំនួននៅតែបន្តការកាប់បំទន្ទ្រានបំផ្លាញព្រៃឈើ ខណៈដែលរាជរដ្ឋាភិបាលកម្ពុជាកំពុងតែមានការទប់ស្កាត់។ អ្នកសារព័ត៌មាននៅក្នុងប្រទេសកម្ពុជាទាំងអស់សូមចូលរួមរំលែកទុក្ខជាមួយក្រុមគ្រួសារនៃសពរបស់លោក ឈៀង ឈឹង ជាអ្នកសារព័ត៌មានដែលបានទទួលមរណៈភាពទៅកាន់លោកខាងមុខ អ្នកសារព័ត៌មានយើងនៅកម្ពុជាសូមបួងសួងដល់គុណព្រះរតនត្រ័យក្នុងលោក សូមប្រសិទ្ធពរដល់ដួងវិញ្ញាណក្ខន្ធព្រលឹងនៃសពឱ្យទៅកាន់សុខគតិភពកុំបីឃ្លៀងឃ្លាតឡើយ។

រាជធានីភ្នំពេញ: បើយោងតាមសាធារណជនបានជម្រាបដំណឹង និងផ្ដល់ប្រភពមកថា មានអ្នករកស៊ីមួយចំនួនតូចដែលទទួលទិញទំនិញមានបន្លែផ្លែឈើពីក្រុមឈ្មួញដែលដឹកជញ្ជូនទំនិញទាំងអស់នោះមកពីប្រទេសវៀតណាមធ្វើការតាំងទីលក់លើចិញ្ចើមផ្លូវសាធារណៈក្នុងសង្កាត់ផ្សារដើមគរខណ្ឌទួលគោករាជធានីភ្នំពេញ ដែលជាហេតុបង្កឲ្យមានការកស្ទាក់ចរាចរណ៍ ជាហេតុនាំឲ្យសាធារណជនមានការរិះគន់ចំពោះសមត្ថកិច្ចអាជ្ញាធរមន្ត្រីមូលដ្ឋានជុំវិញបរិវេណខាងក្រៅផ្សារនាគមាស ផ្លូវលេខ(២៣០) និងខាងក្រៅផ្សារដើមគរ ផ្លូវលេខ(២១៧ ឬផ្លូវព្រះមុនីរ៉េត)។ នេះគឺជាសេចក្តីជូនដំណឹងដើម្បីជម្រាបជូនទៅដល់លោក អភិបាលខណ្ឌទួលគោក និងជម្រាបជូនដំណឹងចំពោះឯកឧត្តម ឃួង ស្រេង អភិបាលរាជធានីភ្នំពេញ ស្ដីអំពីការយកផ្លូវសាធារណៈទៅធ្វើអាជីវកម្មផ្ទាល់ខ្លួនដើម្បីផលប្រយោជន៍ខ្លួនដែលនាំឱ្យមតិសាធារណៈមានការរិះគន់ និងបង្កការស្ទះចរាចរណ៍ ឬក៏អាចនឹងមានបញ្ហាគ្រោះថ្នាក់ចរាចរណ៍ជាយក្សតើហេតុក៏ថាបាន។ សារព័ត៌មានរបស់យើងនឹងធ្វើការផ្សព្វផ្សាយពីដំណឹងមួយនេះដើម្បីឆ្លើយតបជូនចំពោះសាធារណជន និងគោរពជូនថ្នាក់ដឹកនាំដើម្បីជ្រាបជាព័ត៌មាន។ សារព័ត៌មានរបស់យើងនិងធ្វើការចុះផ្សាយបន្ថែមតទៅទៀតជុំវិញប្រភពពាក់ព័ន្ធដែលជម្រាបដំណឹងមកដល់សារព័ត៌មានរបស់យើងគឺដូចជាព័ត៌មានដែលយើងទទួលបានគ្រប់ពេលវេលានិងក្នុងម៉ោងធ្វើករតាមធម្មនុញ្ញវាជាជីវៈអ្នកសារព័ត៌មាននៅកម្ពុជា សូមអរគុណ។

សេចក្តីថ្លៃងការណ៍បដិសេធ ថ្មីៗនេះមានជនខិលខូចបានប្រេីប្រាស់រូបថត​ និងឈ្មោះ​ ឯកឧត្តម​ នេត្រ​ ភក្ត្រា​ រដ្ឋមន្ត្រីក្រសួងព័ត៌មាន​ ទៅបង្កេីតជាគណនីតេឡេក្រាម​ និងបណ្តាញទំនាក់ទំនងសង្គមផ្សេងៗក្នុងចេតនាទុច្ចរិត ដេីម្បីប្រព្រឹត្តទង្វេី​ ឬសកម្មភាពផ្ទុយនឹងច្បាប់​ ដែលនាំអោយប៉ះពាល់ដល់កិត្តិយល​ សេចក្តីថ្លៃថ្នូររបស់ក្រសួង​ ស្ថាប័នរដ្ឋ​ និងឯកឧត្តមផ្ទាល់

រថយន្ត៣គ្រឿងមិនស្គាល់អត្តសញ្ញាណប្រើកាំភ្លើងប្រដេញតាមឃាត់រថយន្តជនជាតិវៀតណាមទាំងយប់អាធ្រាត្រធ្វើឲ្យរថយន្តវៀតណាមនោះក្រឡាប់ទៅម្ខាងផ្លូវ ក្រុងបាវិតខេត្តស្វាយរៀង :បើយោងតាមវីដេអូរបស់អ្នកសារព័ត៌មានដែលធ្វើការថតបានទាំងយប់អាធ្រាតអំពីទិដ្ឋភាពមួយដែលកើតឡើងនៅចំណុចទីតាំងភូមិសាស្ត្រព្រំដែនកម្ពុជាវៀតណាមស្ថិតនៅក្បែរច្រក់កំពង់ស្ពាន ក្រុងបាវិត ខេត្តស្វាយរៀង កាលពីយប់ម៉ោងប៉ុន្មានជាង១០នាថ្ងៃទី ៤ ខែធ្នូ ឆ្នាំ ២០២៤ នៅក្នុងករណីហេតុការណ៍មានរថយន្តម៉ាក់ព្រូស ដែលមានស្លាកលេខ2BK 2435 .បានក្រឡាប់ទៅម្ខាងផ្លូវជាហេតុធ្វើអោយរថយន្តមានការខូចខាតមួយចំនួន ចំណែកមនុស្សជិះក្នុងឡានពីរនាក់ម្នាក់ជាជនជាតិវៀតណាម និងម្នាក់ទៀតជនជាតិជាអ្នកបើកបររថយន្តមិនទទួលរងគ្រោះថ្នាក់ធ្ងន់ធ្ងរនោះទេ។ ជាក់ស្តែងតាមសម្ដីរបស់អ្នកបើកបររថយន្តនោះបានលើកឡើង និងប្រាប់ដល់អ្នកសារព័ត៌មានថា មុនកើតហេតុពួកគេបានធ្វើដំណើរតាមបណ្ដោយផ្លូវព្រំដែននេះ ស្រាប់តែមកដល់ចំណុចមួយនៅក្នុងភូមិសាស្ត្រខាងលើនេះដែរក៏មានរថយន្ត ៣គ្រឿងធ្វើការឃាត់ស្ទាក់ពួកគេមិនដឹងក្នុងគោលបំណងអ្វី ខណៈពេលនោះអ្នកបើករថយន្តដែលធ្វើដំណើរជាមួយជនជាតិវៀតណាមក៏ធ្វើការបើកសម្រុកយ៉ាងលឿនដោយកាច់ចង្កូតមិនទាន់ក៏ត្រូវក្រឡាប់ទាំងយប់ ចំណែកឯរថយន្ត ៣គ្រឿងដែលមានម៉ាកដូចជា ម៉ាកHighLanderម៉ាកAlphade ជាដើមដែលបានធ្វើការដេញនោះក៏បើកទៅមុខបោះពួយយ៉ាងលឿនផងដែរដោយមិនរង់ចាំមើលរថយន្តក្រឡាប់នេះ ស្របពេលជាមួយគ្នានោះដែរម្ចាស់រថយន្តដែលបានជួបគ្រោះថ្នាក់នេះក៏ធ្វើការនាំគ្នាទាញរថយន្តដាក់នៅលើផ្លូវដើម្បីធ្វើដំណើរបន្តដោយមិនមានសមត្ថកិច្ចមកដល់ដើម្បីធ្វើការសាកសួរនោះឡើយ ខណៈមានអ្នកសារព័ត៌មានចូលទៅដល់ធ្វើការថតនិងផ្ដិតទិដ្ឋភាពអំពីគ្រោះថ្នាក់ចរាចរណ៍ដល់រន្ធត់មួយនេះ។ សូមបញ្ជាក់ផងដែរថាជុំវិញករណីនៃការជម្រាបដំណឹងរបស់ម្ចាស់រថយន្តដែលបានគ្រោះថ្នាក់នោះគឺសាធារណៈជនទូទៅសូមឱ្យអាជ្ញាធរសមត្ថកិច្ចក្រុងបាវិតលោក អែម សុវណ្ណារិទ្ធ និងឯកឧត្តម ពេជ្រ វីរះ ស្នងការនគរបាលខេត្តស្វាយរៀង ធ្វើការស្រាវជ្រាវ និងសាកសួរដើម្បីការពារនូវសុវត្ថិភាពជូនដល់ប្រជាពលរដ្ឋនៅក្នុងតំបន់ចៀសវាងបញ្ហាដែលកើតឡើងដោយប្រកាន់ណាមួយនៅថ្ងៃខាងមុខ។   សូមជម្រាបផងដែរថាទីក្រុងបាវិតគឺជាកន្លែងដែលមានភ្ញៀវទេសចរណ៍ចម្រុះសាសន៍កំពុងប្រកបមុខរបររកស៊ី និងធ្វើការតាមមុខជំនួយផ្សេងៗ។ ជុំវិញព័ត៌មាននៃគ្រោះថ្នាក់ចរាចរណ៍ខាងលើនេះសារព័ត៌មានរបស់យើងពុំទាន់ទទួលបានការបញ្ជាក់ពីសមត្ថកិច្ចចរាចរណ៍ក៏ដូចជាអាជ្ញាធរពាក់ព័ន្ធក្នុងក្រុងបាវិត ខេត្តស្វាយរៀង បាននៅឡើយទេ។ សារព័ត៌មានរបស់យើងរង់ចាំទទួលព័ត៌មានធ្វើការចុះផ្សាយជាបន្តបន្ទាប់បន្ថែមទៀតប្រសិនបើមានប្រភព។ រាល់ការចុះផ្សាយរបស់សារព័ត៌មានយើងធ្វើការផ្ដល់ដំណឹងជូនដល់ថ្នាក់ដឹកនាំខេត្តក្រុងរាជធានី និងសាធារណៈជនទូទៅបានដឹងដើម្បីចូលរួមក្នុងសង្គមជុំវិញប្រភពព័ត៌មានដែលបានផ្ដល់ជូនក្នុងគោលបំណងចូលរួមអភិវឌ្ឍន៍ប្រទេសជាតិ សូមអរគុណ។