Month: November 2024

អាជ្ញាធរមន្ត្រីពាក់ព័ន្ធបាននិយាយរុញដាក់គ្នាបន្ទាប់ពីផ្លូវមួយខ្សែបានសាងសង់រួចរាលើនៅឃុំស្វាយជ្រុំត្រូវខូចបែកក្រឡាពស់ថ្លាន់(វគ្គ១) បើយោងតាមការចេញផ្សាយរបស់សារព័ត៌មាន CSP TV NEWS បាទបញ្ជាក់ច្បាស់ៗថា: ខេត្តព្រៃវែង :បើយោងតាមការផ្តល់ប្រភពច្បាស់ការពីសាធារណជនទូទៅក៏ដូចជាប្រជាពលរដ្ឋដែលរស់នៅក្នុងភូមិស្វាយជ្រុំឃុំស្វាយជ្រុំ ស្រុកមេសាង ខេត្តព្រៃវែងបានប្រាប់មកសារព័ត៌មានរបស់យើងឲ្យធ្វើការត្រួតពិនិត្យ និងជួយផ្សព្វផ្សាយប្រមូលព័ត៌មានទាំងអស់គោរពជូនរាជរដ្ឋាភិបាលថ្នាក់ជាតិ និងថ្នាក់ដឹកនាំក្រោមជាតិដើម្បីជ្រាបជាដំណឹងអំពីផ្លូវមួយខ្សែដែលមានប្រវែងប្រមាណជាងមួយគីឡូម៉ែត្រជាគម្រោងមូលនិធិថ្នាក់ឃុំស្វាយជ្រុំ ខេត្តព្រៃវែង ត្រូវបានដេញថ្លៃឈានទៅដល់ការសាងសង់ដើម្បីអភិវឌ្ឍន៍គម្រោងផ្លូវមួយខ្សែនេះជូនទៅដល់ប្រជាពលរដ្ឋទូទៅងាយស្រួលធ្វើដំណើរ និងផ្តល់នូវតម្លៃក្នុងកិច្ចការនយោបាយដឹកនាំជាតិជូនពលរដ្ឋក្នុងតំបន់ និងមូលដ្ឋាន។ យ៉ាងណាមិញបន្ថែមពីនោះដោយមានការរៀបចំពីទីចាត់ការ និងផែនការវិនិយោគរបស់ថ្នាក់ខេត្តព្រៃវែងឱ្យមានការសាងសង់ផ្លូវនេះដែលមានកម្រាស់១.៥០សង់ទីម៉ែត្រ (1.50CM) ប្រវែងបណ្ដោយ១៥០០ម៉ែត្រ និងទទឹងប្រវែង៦ម៉ែត្រយោងតាមការបង្ហាញនូវព័ត៌មានច្បាស់ការថា ការកសាងអភិវឌ្ឍន៍ផ្លូវមួយខ្សែនេះត្រូវបានស្ថាបនារួចរាល់បានប្រមាណតែជាងមួយខែប៉ុណ្តោះស្រាប់តែផ្លូវនេះបានជាខូចប្រេះទៅវិញ ដែលជាហេតុបណ្ដាលឱ្យសាធារណជនងឿយឆ្ងល់ហួសចិត្តដោយលាន់មាត់គ្រប់ៗគ្នាថាមូលនិធិរបស់រាជរដ្ឋាភិបាលតាមរយៈការជួយកសាងនូវហេដ្ឋារចនាសម្ព័ន្ធផ្លូវបេតុងដើម្បីឲ្យប្រជាពលរដ្ឋងាយស្រួលធ្វើដំណើរចរាចរណ៍ទៅហើយនិងមក តែផ្ទុយមកវិញបែរជាការអភិវឌ្ឍក្នុងការសាងសង់ផ្លូវនេះត្រូវបានខូចទៅវិញ? តើគុណភាពនៃការសាងសង់នេះនៅត្រង់ណា? ជុំវិញព័ត៌មានដែលមានប្រភពផ្ដល់មកថាផ្លូវមួយខ្សែនេះមានប្រវែងប៉ុន្មាន១៥០០ ម៉ែត្រដែលជាមូលនិធិឃុំស្វាយជ្រុំ ស្រុកមេសាង ខេត្តព្រៃវែង គឺមានការទទួលខុសត្រូវពីឃុំស្វាយជ្រុំដាក់ឲ្យមានការដេញថ្លៃពីបុគ្គលឯកជនម្នាក់ឈ្មោះថា សូសុវណ្ណា ទទួលបន្ទុកសម្រាប់ការទទួលយកនៅលក្ខខណ្ឌនៃការដេញថ្លៃ ហើយត្រូវបានក្រុមហ៊ុនមានឈ្មោះថា ទ្រី ហេន ជាអ្នកសាងសង់លើគម្រោងផ្លូវនេះ និងមានការស្ថាបនាសាងសង់រួចរាល់ និងដាក់ឲ្យប្រើប្រាស់គិតត្រឹមមកដល់ថ្ងៃទី២៩ ខែវិច្ឆិកាឆ្នាំ២០២៤ មានរយៈពេលប្រមាណពីរបីខែហើយ។ ជុំវិញការកសាងផ្លូវមួយខ្សែខាងលើនេះ អាជ្ញាធរមន្ត្រីពាក់ព័ន្ធទាំងអស់នោះ អង្គភាពសារព័ត៌មាន សុីអេសភី ធីវីញូវស៍-CSP TV News ដែលមានគេហទំព័រ (www.csptvnews.com)បានធ្វើបទសម្ភាសន៍លោក ឡាយ សារ៉េត ជាមេឃុំស្វាយជ្រុំ កាលពីល្ងាចថ្ងៃទី២៨ ខែវិច្ឆិកា ឆ្នាំ២០២៤ […]

លោក អ៊ុំ ចន្ទរតនា ប្រធានសាខាគយនិងរដ្ឋាករខេត្តបន្ទាយមានជ័យភ្លេចកាតព្វកិច្ចរបស់ខ្លួន បណ្តោយអោយលោក អ៊ុន ចាន់ បើកច្រករបៀងអូរបីជាន់ នាំចូលទំនិញទាំងថ្ងៃទាំងយប់ពីប្រទេសថៃ គគ្រឹកគគ្រេង វគ្គ២ បន្ទាយមានជ័យ ៖ លោកវរសេនីយទោ អ៊ុន ចាន់ មេបញ្ជាការរងកងការពារព្រំដែនលេខ៥០៣ ហ៊ានបើកដៃឲ្យ ជនជាតិថៃ និងក្រុមឈ្មួញ នាំចូលទំនិញ គ្រប់ប្រភេទ ពីប្រទេសថៃចូលមកកម្ពុជាតាមច្រករបៀងព្រំដែនអូរបីជាន់ចែកចាយបន្ត ឲ្យអាជីវករ តាមបន្ទាត់ព្រំដែន តាមទីផ្សារក្នុងខេត្តបន្ទាយមានជ័យ និងតាមបណ្តាខេត្តនានានិងរាជធានីភ្នំពេញ។ ភូមិអូរបីជាន់ឃុំអូរបីជាន់ស្រុកអូរជ្រៅជាភូមិសាស្ត្រដែលយោធភូមិភាគទី៥ប្រគល់ អោយលោក អ៊ុន ចាន់ មេបញ្ជាការរង កងការពារព្រំដែនលេខ៥០៣យោធភូមិភាគទី៥គ្រប់គ្រង ពិតជាមិនសរសើរមិនបាន។ លោក អ៊ុំ ចន្ទរតនា ប្រធានសាខាគយនិងរដ្ឋាករខេត្តបន្ទាយមានជ័យ ក្នុងនាមជាមន្ត្រីជំនាញភ្លេចកាតព្វកិច្ចរបស់ខ្លួន និងបណ្តែតបណ្តោយអោយទំនិញគេចពន្ធគ្រប់ប្រភេទ ហូរចូលតាមក្រវ៉ាត់ព្រំដែន ឬមួយកំពុងប្រព្រឹត្តអំពើពុករលួយ បានជានៅតែរក្សាភាពស្ងៀមស្ងាត់ បើអសមត្ថភាព ក្នុងការបង្ក្រាប គួរតែធ្វើលិខិតសុំលាឈប់ ដើម្បីអោយមន្ត្រីជំនាញច្បាស់លាស់ ទទួលភារកិច្ចបន្ត? តួនាទី និង ភារកិច្ច ២.៦ សាខាគយនិងរដ្ឋាកររាជធានី-ខេត្តគ្រប់គ្រង ដឹកនាំតាមឋានានុក្រមលើបណ្តាការិយាល័យគយនិងរដ្ឋាករនានាក្រោមឱវាទ រួមមាន […]

រថយន្តជាច្រើនគ្រឿងទាំងតូចទាំងធំដឹកទំនិញទាំងខុសច្បាប់ចូលទឹកដីខ្មែរទាំងយប់អាធ្រាត ខេត្តបន្ទាយមានជ័យ :មានរថយន្តតូច និងធំជាច្រើនគ្រឿងដឹកទំនិញចូលក្នុងប្រទេសកម្ពុជាតាមច្រកព្រំដែនអូរបីជាន់ស្ថិតនៅក្នុងឃុំអីរបីជាន់ស្រុកអូរជ្រៅខេត្តបន្ទាយមានជ័យជារៀងរាល់យប់ដែលធ្វើឲ្យប៉ះពាល់ក្នុងកិច្ចការការពារព្រំដែនផ្លូវគោកដែលរាជរដ្ឋាភិបាលបានដាក់ឲ្យមន្ត្រីក្រមឱវាទធ្វើការទប់ស្កាត់ និងការពារធ្វើយ៉ាងណាកុំឲ្យមានការបណ្ដែតបណ្ដោយឲ្យការដឹកបញ្ជូនទាំងយប់ដូច្នេះ។ ជាងនេះទៅទៀតមានមតិមួយចំនួនក៏បានលើកឡើងថាបើមន្ត្រីអាជ្ញាធរមន្ត្រីព្រំដែនគោកប្រចាំនៅក្នុងច្រកអូរបីជាន់បានអនុញ្ញាតឱ្យរថយន្តដែលដឹកទំនិញចូលក្នុងប្រទេសកម្ពុជាទាំងយប់អាធ្រាតដែលទាំងនេះគឺជារឿងត្រូវប្រុងប្រយ័ត្នបំផុតហើយគាត់ជាមន្ត្រីការពារព្រំដែនត្រូវតែគោរពជាដាច់ខាតមិនត្រូវបណ្ដែតបណ្ដោយដូច្នេះនោះឡើយ។ បើយោងតាមគោលការណ៍ក៏ដូចជាច្បាប់ដែលរាជរដ្ឋាភិបាលបានដាក់ជូនឲ្យមន្ត្រីបម្រើការងារតាមព្រំដែនផ្លូវគោឬកងកម្លាំងពាក់ព័ន្ធការពារនៅតាមបណ្ដាច្រកព្រំដែនតូចក្តីធំក្តីធ្វើការយ៉ាងណាទប់ស្កាត់មិនឱ្យមានការដឹកជញ្ជូនទំនិញឬសម្ភារៈនៅពេលរាត្រីដែលត្រូវបានកំណត់ដោយច្បាប់ ឬរថយន្តខ្នាតយក្សដែលមិនអនុញ្ញាតឲ្យធ្វើការដឹកជញ្ជូនតាមច្រករបៀងតូចៗនោះឡើយ។ សាធារណៈជននិងសង្គមស៊ីវិលតាមដានមើលថាតើមន្ត្រីកងកម្លាំងពាក់ព័ន្ធនៅទីតាំងភូមិសាស្ត្រខាងលើនេះបណ្ដែតបណ្ដោយឱ្យរថយន្តដែលចេញពីប្រទេសថៃនាំទំនិញចូលក្នុងទឹកដីកម្ពុជាទាំងខុសច្បាប់បន្តទៀតឬយ៉ាងណា? ហើយប្រជាពលរដ្ឋគ្រប់មជ្ឈដ្ឋានសង្ឃឹមថាថ្នាក់ដឹកនាំជាតិកំពូលៗ និងឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ឯកឧត្តម សិទ្ធិ ឡោះ ស្នងការនៃស្នងការដ្ឋានខេត្តស្វាយរៀងនិងទទួលព័ត៌មានអំពីករណីនេះដោយការគោរព ។ សារព័ត៌មានរបស់យើងមានដែលតែការផ្សាយដំណឹងជូនទៅដល់ថ្នាក់ដឹកនាំជាតិ និងថ្នាក់ដឹកនាំតាមបណ្ដាខេត្តពាក់ព័ន្ធតាមបណ្ដាព្រំដែនមួយចំនួនដូចជានៅក្នុងតំបន់ភូមិសាស្ត្រខាងលើនេះដើម្បីជាការចូលរួមក្នុងការការពារសន្តិសុខជាតិ ជៀសវាងទំនិញដែលខុសច្បាប់ឬខូចគុណភាពនាំឲ្យប៉ះពាល់សុខមាភាពរបស់ប្រជាពលរដ្ឋ និងបញ្ជៀសរាល់ទំនិញទាំងឡាយដែលគេចពន្ធនាំឲ្យបាត់ចំណូលរបស់រដ្ឋដោយសារឈ្មួញឃុបឃិតគ្នាជាប្រព័ន្ធ ហើយសារព័ត៌មានរបស់យើងក៏រង់ចាំរាល់ប្រភពពាក់ព័ន្ធបន្ថែមទៀតគ្រប់ពេលវេលា និងម៉ោងធ្វើការតាមរបបវិជ្ជាជីវ:អ្នកសារព័ត៌មាននៅកម្ពុជា សូមអរគុណ។

ក្រសួងរៀបចំដែនដី នគរូបនីយកម្ម និងសំណង់ បានដឹកនាំសម្របសម្រួលដំណោះស្រាយដោយជោគជ័យនូវករណីគម្រោងផ្សារ TCC មានទីតាំងស្ថិតនៅភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។​ ក្រសួងរៀបចំដែនដី នគរូបនីយកម្ម និងសំណង់ (ដ.ន.ស.) សូមជម្រាបជូនសាធារណជន​ជ្រាបថា​ ក្រសួងបានដឹកនាំសម្របសម្រួលដំណោះស្រាយដោយជោគជ័យនូវករណីគម្រោងផ្សារ TCC មានទីតាំងស្ថិតនៅភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។​ ក្រសួង ដ.ន.ស.​ សូមថ្លែងអំណរគុណ​ និងសូមស្នេីឱ្យគ្រប់ភាគីពាក់ព័ន្ធទាំងអស់​ ចូលរួមសហការសម្របសម្រួល ដើម្បីបង្កលក្ខណៈងាយស្រួលដល់ការងារសាងសង់បញ្ចប់គម្រោង ផ្សារ TCC ឱ្យបានរលូនទៅតាមផែនការដែលបានកំណត់។ ថ្ងៃ​ទី​២០ ខែ​វិច្ឆិកា ឆ្នាំ​២០២៤ #ចុះបញ្ជីដីបង្ហើយ​ #សេវាគាប់ចិត្ត​ #បរិយាកាសគ្មានវិវាទ​ #កអក #ក្រសួងរៀបចំដែនដីនគរូបនីយកម្មនិងសំណង់ #MLMUPC  

សកម្មភាពការងាររបស់ ឯកឧត្តម វ៉ី សំណាង អភិបាល នៃគណៈអភិបាលខេត្ត គិតត្រឹមថ្ងៃនេះ ៤ខែ ១៧ថ្ងៃ សរុបសកម្មភាពការងាររដ្ឋ និងបក្ស មានចំនួន ១៧៥ ចាប់តាំងពីឯកឧត្តម ចូលកាន់តំណែងជាអភិបាល នៃគណៈអភិបាលខេត្តតាកែវ ។

ព្រះរាជក្រឹត្យ ស្តីពី ការបង្កើតគណៈកម្មាធិការជាតិដឹកនាំអនុវត្ត កម្មវិធីផ្តល់ដី ការពារព្រៃដើម្បីរួមគ្នាអភិវឌ្ឍដោយចីរភាព

អបអរសាទរខួបអនុស្សាវរីយ៍លើកទី៧១ នៃទិវាបុណ្យឯករាជ្យជាតិ ៩ វិច្ឆិកា ថ្ងៃនេះ គឺជាថ្ងៃដែលប្រទេសកម្ពុជាត្រូវប្រារព្ធខួបអនុស្សាវរីយ៍លើកទី៧១ នៃទិវាបុណ្យឯករាជ្យជាតិ ៩ វិច្ឆិកា (៩ វិច្ឆិកា ១៩៥៣-៩ វិច្ឆិកា ២០២៤) ដែលកម្ពុជាទទួលបានឯករាជ្យ ពីអាណានិគមនិយមបារាំង ស្របជាមួយនឹងខួប៧១ឆ្នាំ នៃការបង្កើតកងយោធពលខេមរភូមិន្ទផងដែរ។ ទិវាបុណ្យឯករាជ្យជាតិ ៩ វិច្ឆិកា បានរំលឹកឲ្យឃើញពីព្រះរាជបេសកកម្ម ដើម្បីជាតិមាតុភូមិ និងប្រជារាស្ត្រខ្មែររបស់ព្រះករុណា ព្រះបាទសម្តេច ព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូក្នុងក្របខណ្ឌនៃព្រះរាជបូជនីយកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា៕

សាធារណៈជនក៏ដូចជាសង្គមស៊ីវិលមានការរិះគន់ហើយក៏រង់ចាំមើលការអនុវត្តច្បាប់របស់អាជ្ញាធរពាក់ព័ន្ធចំពោះរោងចក្រផលិតបារីដ៏ធំនៅស្រុកពញាក្រែក (វគ្គ១) ខេត្តត្បូងឃ្មុំ : បើយោងតាមការរិះគន់ជាសាធារណៈរបស់ពលរដ្ឋដើម្បីឲ្យមានការជម្រាបដំណឹងជូនដល់អាជ្ញាធរដែលមានដែនសមត្ថកិច្ចក្នុងតំបន់ មន្ត្រីជំនាញពាក់ព័ន្ធអំពីការជះក្លិនមិនល្អរបស់សាធាតុញៀនដែលជាសារធាតុសម្រាប់បង្កើតនិងផលិតចេញជាបារីដើម្បីលក់ចេញលើទីផ្សារជាហេតុនាំឲ្យមានផលប៉ះពាល់ដល់សុខមាលភាពពលរដ្ឋទូទៅពិសេសពលរដ្ឋដែលរស់នៅក្នុងតំបន់ស្ថិតនៅក្នុងភូមិសាស្ត្រឃុំអូរព្រិច ឃុំកក់ ស្រុកពញាក្រែក ខេត្តត្បូងឃ្មុំ។ លោករ៉ែន ជាអនុភូមិអូរព្រិចបានផ្ដល់បទសម្ភាសន៍ជូនដល់អ្នកសារព័ត៌មានយើងថាជុំវិញការជះក្លិនទាំងអស់នេះសូមឱ្យសាកសួរដល់រោងចក្រផ្ទាល់តែម្ដងទៅ រួចចុចបិទទូរស័ព្ទដៃ ព្រោះលោកហាក់ដូចជាមិនសូវខ្វាយខ្វល់ និងមិនចង់និយាយអ្វីទាំងអស់ តែកុំភ្លេចថាលោកជាមន្ត្រីបម្រើរាស្ត្រទោះបីចង់មិនចង់ក៏ដោយ។ ចំណែកលោក លី សុភាលីន ជាអភិបាលស្រុកពញាក្រែកបានជម្រាបជូនមកសារព័ត៌មានរបស់យើងថា នៅវេលាព្រឹកនេះនាថ្ងៃទី ៦ ខែវិច្ឆិកាឆ្នាំ២០២៤ លោកសូមអធ្យាស្រ័យមិនបានឆ្លើយតបដោយសារមានការជាប់ប្រជុំ អង្គភាពសារព័ត៌មានរបស់យើងយល់ឃើញថាដោយសារកាតព្វកិច្ចភារកិច្ចលោកត្រូវបំពេញនិងមានការរវល់ខ្លាំងពេក ទើបសារព័ត៌មានរបស់យើងទទួលបានតែចម្លើយជាប់ប្រជុំប៉ុណ្ណឹង ហើយនេះគឺជាសារមួយដ៏ល្អសម្រាប់មន្ត្រីហ៊ានទទួលខុសត្រូវនៅក្នុងការលើកទូរសព្ទដៃរបស់អ្នកសារព័ត៌មានដោយបានឆ្លើយតបត្រឡប់មកវិញ ផ្ទុយពីមន្ត្រីមួយចំនួនទៀតឮថាអ្នកសារព័ត៌មានទំនាក់ទំនងដើម្បីសាកសួរព័ត៌មានទៅបែរជាមិនលើកឬក៏ចុចបិទទូរសព្ទដៃតែម្ដងហើយមន្ត្រីប្រភេទនេះភាគច្រើនជាមន្ត្រីមិនហ៊ានទទួលខុសត្រូវចំពោះកាតព្វកិច្ចនិងការងាររបស់ខ្លួន។ បន្ថែមពីលើនេះទៅទៀតសារព័ត៌មានរបស់យើងនឹងធ្វើការទំនាក់ទំនងទៅឯកឧត្តម ប៉ែន កុសល អភិបាលខេត្តត្បូងឃ្មុំ និងលោក ប្រធានមន្ទីរសុខាភិបាលខេត្តត្បូងឃ្មុំ ប្រធានមន្ទីរពាណិជ្ជកម្ម ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត អាជ្ញាធរនៃអគ្គនាយកដ្ឋានការពារអ្នកប្រើប្រាស់ កិច្ចការការប្រកួតប្រជែងនិងបង្រាបការក្លែងបន្លំ (ហៅថា ក ប ប ឬ CCF) ជាដើមដើម្បីសូមការបញ្ជាក់បន្ថែម ក៏ប៉ុន្តែសារព័ត៌មានរបស់យើងមិនអាចធ្វើការទំនាក់ទំនងបានដោយពុំមានលេខទូរសព្ទដៃ។ តែទោះជាយ៉ាងណាក៏ដោយសាធារណជនក៏ដូចជាសង្គមស៊ីវិលនៅតែមានជំនឿជឿជាក់ចំពោះថ្នាក់ដឹកនាំរបស់យើងនៅខេត្តត្បូងឃ្មុំដែលតែងតែបំពេញភារកិច្ចដោយយកចិត្តទុកដាក់ចំពោះទុក្ខធុរៈពលរដ្ឋក៏ដូចជាចូលរួមចំណែកក្នុងការការពារនៅសុវត្ថិភាពសុខមាលភាពពលរដ្ឋទូទៅ និងធ្វើការដើម្បីជួយជំរុញផ្នែកសេដ្ឋកិច្ចជាតិឆ្លងតាមរយៈការអនុវត្តច្បាប់ចំពោះក្រុមហ៊ុនទាំងឡាយណាដែលមកធ្វើការរកស៊ីវិនិយោគនៅក្នុងទឹកដីកម្ពុជាត្រូវតែមានការគោរពដល់បទដ្ឋាននានាដែលច្បាប់នៃព្រះរាជាណាចក្រកម្ពុជាបានចែង។ អង្គភាពសារព័ត៌មានរបស់យើងនិងទទួលយកនូវរាល់ព័ត៌មានទាំងឡាយណាដែលស្ថាប័ននៃក្រសួងពាក់ព័ន្ធធ្វើការបំភ្លឺដើម្បីយើងនឹងផ្សព្វផ្សាយបន្តជៀសវាងកុំឲ្យសាធារណៈជនក៏ដូចជាសង្គមស៊ីវិលមានការងារឆ្ងល់ និងរក្សាការពារនូវសុខមាលភាពពលរដ្ឋរបស់ខ្លួននៅក្នុងតំបន់ក៏ដូចជាសង្គមជាតិទាំងមូល។ ក្នុងន័យនេះអង្គភាពសារព័ត៌មានរបស់យើងនឹងធ្វើការចេញផ្សាយជាបន្តបន្ទាប់ស្ដីពីច្បាប់ក៏ដូចជាបទដ្ឋាននានានិងអ្វីដែលជាកង្វះខាតចន្លោះប្រហោងដែលមើលទៅហាក់បីដូចជាមិនគោរពនូវគោលការណ៍មួយចំនួននៃច្បាប់ព្រះរាជាណាចក្រកម្ពុជា។ ហើយយើងធ្វើការផ្សព្វផ្សាយតាមច្បាប់ស្ដីពីរបបសារព័ត៌មាន និងធម្មនុញ្ញ វិជ្ជាជីវៈអ្នកសារព័ត៌មាននៅកម្ពុជា ក្រោមការដឹកនាំក្នុងអន្តរកាលឯកឧត្តម នេត្រ […]