ព័ត៌មានសន្តិសុខសង្គម

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងឯកឧត្តម វណ្ណឡាលវ៉ូណា បយធ្លង់ (Vanlalvawna BAWITLUNG) ឯកអគ្គរដ្ឋទូតឥណ្ឌាប្រចាំព្រះរាជាណាចក្រកម្ពុជាបានចុះអនុស្សរណៈនៃការយោគយល់ជាមួយស្ថានទូតឥណ្ឌា រវាងក្រសួងព័ត៌មាន នៅថ្ងៃទី២៤ ខែមីនា ឆ្នាំ២០២៥នៅទីស្តីការក្រសួងព័ត៌មាន រាជធានីភ្នំពេញ ក្រោមគម្រោងកិច្ចសហប្រតិបត្តិមេគង្គ-ហ្គង់ហ្គា ដោយផ្តោតលើគម្រោងអនុវត្តដែលផ្តល់ផលភ្លាម។ រហូតមកដល់ពេលនេះ ក្រសួងព័ត៌មានបានទទួលការគាំទ្រលើគម្រោងចំនួន ៤ ក្នុងនោះនៅឆ្នាំ២០២៤ ចំនួន ២ គម្រោងដោយផ្តោតលើការគាំទ្រសម្ភារសម្រាប់ធ្វើឌីជីថលរូបថតរបស់អគ្គនាយកដ្ឋានទីភ្នាក់ងារសារព័ត៌មានកម្ពុជា និងការរៀបចំមណ្ឌលព័ត៌មានវិទ្យានៅស្រុកកោះសូទិន ខេត្តកំពង់ចាម។ នៅឆ្នាំ២០២៥ នេះ ក្រសួងព័ត៌មានទទួលបានគម្រោង ២ សម្រាប់ការអនុវត្តនៅមូលដ្ឋានខេត្តក្រចេះរួមមានគម្រោងទី១ ផ្តោតលើការផ្តល់ថាមពលពន្លឺព្រះអាទិត្យដើម្បីទទួលព័ត៌មាន និងបង្កើនចំណេះដឹង អនុវត្តនៅស្រុកអូរគ្រៀងសែនជ័យ និងគម្រោងទី២ ការគាំទ្រសហគមន៍ក្នុងការជំរុញលើការសិក្សាតាមរយៈការផ្តល់កង់ជូនដល់សិស្សានុសិស្សដែលខ្វះមធ្យោបាយធ្វើដំណើរអនុវត្តនៅក្នុងស្រុកស្នួល។ រូបថត៖ ខឹម សុវណ្ណារ៉ា

សេចក្តីប្រកាសថ្កោលទោស របស់ អ្នកនាំពាក្យ សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា តបទៅនឹងការបង្កើតផ្សព្វផ្សាយព័ត៌មានក្លែងក្លាយតាមបណ្ដាញសង្គមថា សម្តេចក្រឡាហោម ស ខេង ជាក្បាលម៉ាស៊ីនដឹកនាំ នៃរបស់ដែលហៅថា«ចលនាជាតិតស៊ូ»ស្អីគេនោះ

ជនជាតិចិនធ្លាក់ពីលើអគារស្លាប់ដោយភាពអាថ៌កំបាំងបំផុត រាជធានីភ្នំពេញ : បើយោងតាមប្រភពព័ត៌មានដែលយើងទទួលបាននូវថ្ងៃទី ១២ ខែមករា ឆ្នាំ២០២៥នេះមានជនជាតិចិនដែលមានឈ្មោះ SUN JIGANG ភាពប្រុស អាយុ ៤៦ឆ្នាំ ថ្ងៃខែឆ្នាំកំណើតកើតថ្ងៃទី១៨ ខែតុលា ឆ្នាំ១៩៧៩ កាន់លិខិតឆ្លងដែនលេខ EH6693522 មានភិនភាគពាក់អាវខ្មៅដៃខ្លីស្លៀកខោខ្មៅជើងវែង។ តាមប្រភពបានបន្តបន្ថែមទៀតថា ជនជាតិចិនដែលមានឈ្មោះខាងលើនេះបានស្លាប់នៅវេលាម៉ោងប៉ុន្មាន ១២ និង ១០នាទីយប់ឈានចូលថ្ងៃទី ១២ ខែមករាឆ្នាំ២០២៥ ដោយធ្លាក់ពីលើអគារបណ្ដាលឱ្យស្លាប់នៅចំណុចកាសុីណូ ណាហ្គាវើល២(GAGA WORLD 2) ផ្លូវរដ្ឋសភា ភូមិ១៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ នៅក្នុងទិដ្ឋភាពពេលនេះផងដែរគឺសាកសពត្រូវបាននគរបាលបច្ចេកទេស និងវិទ្យាសាស្រ្តធ្វើការកុសលវិច្ឆ័យនៅកន្លែងកើតហេតុ រួចបន្តយកសពទុកក្នុងវត្តទឹកថ្លាក្រោយពីធ្វើការស្រាវជ្រាវរួច។ សាធារណជនក៏ដូចជាសង្គមស៊ីវិលនៅតែបន្តជំរុញឲ្យសមត្ថកិច្ចធ្វើការស្រាវជ្រាវបន្ថែមឲ្យបានដិតដល់ជុំវិញករណីនៃការស្លាប់បាត់បង់ជីវិតនៅក្នុងទីតាំងភូមិសាស្ត្រខាងលើដើម្បីឲ្យដឹងថាការស្លាប់បាត់បង់ជីវិតនោះ ដោយសារតែការធ្វើអតឃាត ឬក៏ជាអំពើឃាតកម្ម? ដើម្បីធ្វើការវែកមុខរកខុសត្រូវសម្រាប់ក្រុមគ្រួសារនៃសព ក៏ដូចជាការអនុវត្តច្បាប់ប្រកបដោយនីតិរដ្ឋ។ ហើយជុំវិញករណីខាងលើនេះសារព័ត៌មានរបស់យើង នឹងរង់ចាំទទួលដំណឹងធ្វើការផ្សព្វផ្សាយបន្ថែមប្រសិនបើមានប្រភពផ្ដល់មកជាបន្តបន្ទាប់គ្រប់ពេលវេលាក្នុងម៉ោងធ្វើការស្ដីអំពីរបបសារព័ត៌មាននៅកម្ពុជា សូមអរគុណ។

សម្តេចតេជោ ហ៊ុន សែនប្រធានព្រឹទ្ធសភា នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់ ព្រះរាជាណាចក្រកម្ពុជា អញ្ជើញទស្សនាកំពែងឌីរីយ៉ា (Diriyah Gate) និងភូមិទេសចរណ៍ធម្មជាតិ អាល់-ប៊ូចារី ( AL-Bujairi) រដ្ឋធានីរីយ៉ាដ ព្រះរាជាណាចក្រអារ៉ាប៊ីសាអូឌិត រសៀលថ្ងៃទី៨ ខែធ្នូ ឆ្នាំ២០២៤

សេចក្តីថ្លៃងការណ៍បដិសេធ ថ្មីៗនេះមានជនខិលខូចបានប្រេីប្រាស់រូបថត​ និងឈ្មោះ​ ឯកឧត្តម​ នេត្រ​ ភក្ត្រា​ រដ្ឋមន្ត្រីក្រសួងព័ត៌មាន​ ទៅបង្កេីតជាគណនីតេឡេក្រាម​ និងបណ្តាញទំនាក់ទំនងសង្គមផ្សេងៗក្នុងចេតនាទុច្ចរិត ដេីម្បីប្រព្រឹត្តទង្វេី​ ឬសកម្មភាពផ្ទុយនឹងច្បាប់​ ដែលនាំអោយប៉ះពាល់ដល់កិត្តិយល​ សេចក្តីថ្លៃថ្នូររបស់ក្រសួង​ ស្ថាប័នរដ្ឋ​ និងឯកឧត្តមផ្ទាល់

រថយន្ត៣គ្រឿងមិនស្គាល់អត្តសញ្ញាណប្រើកាំភ្លើងប្រដេញតាមឃាត់រថយន្តជនជាតិវៀតណាមទាំងយប់អាធ្រាត្រធ្វើឲ្យរថយន្តវៀតណាមនោះក្រឡាប់ទៅម្ខាងផ្លូវ ក្រុងបាវិតខេត្តស្វាយរៀង :បើយោងតាមវីដេអូរបស់អ្នកសារព័ត៌មានដែលធ្វើការថតបានទាំងយប់អាធ្រាតអំពីទិដ្ឋភាពមួយដែលកើតឡើងនៅចំណុចទីតាំងភូមិសាស្ត្រព្រំដែនកម្ពុជាវៀតណាមស្ថិតនៅក្បែរច្រក់កំពង់ស្ពាន ក្រុងបាវិត ខេត្តស្វាយរៀង កាលពីយប់ម៉ោងប៉ុន្មានជាង១០នាថ្ងៃទី ៤ ខែធ្នូ ឆ្នាំ ២០២៤ នៅក្នុងករណីហេតុការណ៍មានរថយន្តម៉ាក់ព្រូស ដែលមានស្លាកលេខ2BK 2435 .បានក្រឡាប់ទៅម្ខាងផ្លូវជាហេតុធ្វើអោយរថយន្តមានការខូចខាតមួយចំនួន ចំណែកមនុស្សជិះក្នុងឡានពីរនាក់ម្នាក់ជាជនជាតិវៀតណាម និងម្នាក់ទៀតជនជាតិជាអ្នកបើកបររថយន្តមិនទទួលរងគ្រោះថ្នាក់ធ្ងន់ធ្ងរនោះទេ។ ជាក់ស្តែងតាមសម្ដីរបស់អ្នកបើកបររថយន្តនោះបានលើកឡើង និងប្រាប់ដល់អ្នកសារព័ត៌មានថា មុនកើតហេតុពួកគេបានធ្វើដំណើរតាមបណ្ដោយផ្លូវព្រំដែននេះ ស្រាប់តែមកដល់ចំណុចមួយនៅក្នុងភូមិសាស្ត្រខាងលើនេះដែរក៏មានរថយន្ត ៣គ្រឿងធ្វើការឃាត់ស្ទាក់ពួកគេមិនដឹងក្នុងគោលបំណងអ្វី ខណៈពេលនោះអ្នកបើករថយន្តដែលធ្វើដំណើរជាមួយជនជាតិវៀតណាមក៏ធ្វើការបើកសម្រុកយ៉ាងលឿនដោយកាច់ចង្កូតមិនទាន់ក៏ត្រូវក្រឡាប់ទាំងយប់ ចំណែកឯរថយន្ត ៣គ្រឿងដែលមានម៉ាកដូចជា ម៉ាកHighLanderម៉ាកAlphade ជាដើមដែលបានធ្វើការដេញនោះក៏បើកទៅមុខបោះពួយយ៉ាងលឿនផងដែរដោយមិនរង់ចាំមើលរថយន្តក្រឡាប់នេះ ស្របពេលជាមួយគ្នានោះដែរម្ចាស់រថយន្តដែលបានជួបគ្រោះថ្នាក់នេះក៏ធ្វើការនាំគ្នាទាញរថយន្តដាក់នៅលើផ្លូវដើម្បីធ្វើដំណើរបន្តដោយមិនមានសមត្ថកិច្ចមកដល់ដើម្បីធ្វើការសាកសួរនោះឡើយ ខណៈមានអ្នកសារព័ត៌មានចូលទៅដល់ធ្វើការថតនិងផ្ដិតទិដ្ឋភាពអំពីគ្រោះថ្នាក់ចរាចរណ៍ដល់រន្ធត់មួយនេះ។ សូមបញ្ជាក់ផងដែរថាជុំវិញករណីនៃការជម្រាបដំណឹងរបស់ម្ចាស់រថយន្តដែលបានគ្រោះថ្នាក់នោះគឺសាធារណៈជនទូទៅសូមឱ្យអាជ្ញាធរសមត្ថកិច្ចក្រុងបាវិតលោក អែម សុវណ្ណារិទ្ធ និងឯកឧត្តម ពេជ្រ វីរះ ស្នងការនគរបាលខេត្តស្វាយរៀង ធ្វើការស្រាវជ្រាវ និងសាកសួរដើម្បីការពារនូវសុវត្ថិភាពជូនដល់ប្រជាពលរដ្ឋនៅក្នុងតំបន់ចៀសវាងបញ្ហាដែលកើតឡើងដោយប្រកាន់ណាមួយនៅថ្ងៃខាងមុខ។   សូមជម្រាបផងដែរថាទីក្រុងបាវិតគឺជាកន្លែងដែលមានភ្ញៀវទេសចរណ៍ចម្រុះសាសន៍កំពុងប្រកបមុខរបររកស៊ី និងធ្វើការតាមមុខជំនួយផ្សេងៗ។ ជុំវិញព័ត៌មាននៃគ្រោះថ្នាក់ចរាចរណ៍ខាងលើនេះសារព័ត៌មានរបស់យើងពុំទាន់ទទួលបានការបញ្ជាក់ពីសមត្ថកិច្ចចរាចរណ៍ក៏ដូចជាអាជ្ញាធរពាក់ព័ន្ធក្នុងក្រុងបាវិត ខេត្តស្វាយរៀង បាននៅឡើយទេ។ សារព័ត៌មានរបស់យើងរង់ចាំទទួលព័ត៌មានធ្វើការចុះផ្សាយជាបន្តបន្ទាប់បន្ថែមទៀតប្រសិនបើមានប្រភព។ រាល់ការចុះផ្សាយរបស់សារព័ត៌មានយើងធ្វើការផ្ដល់ដំណឹងជូនដល់ថ្នាក់ដឹកនាំខេត្តក្រុងរាជធានី និងសាធារណៈជនទូទៅបានដឹងដើម្បីចូលរួមក្នុងសង្គមជុំវិញប្រភពព័ត៌មានដែលបានផ្ដល់ជូនក្នុងគោលបំណងចូលរួមអភិវឌ្ឍន៍ប្រទេសជាតិ សូមអរគុណ។

សាធារណៈជនក៏ដូចជាសង្គមស៊ីវិលមានការរិះគន់ហើយក៏រង់ចាំមើលការអនុវត្តច្បាប់របស់អាជ្ញាធរពាក់ព័ន្ធចំពោះរោងចក្រផលិតបារីដ៏ធំនៅស្រុកពញាក្រែក (វគ្គ១) ខេត្តត្បូងឃ្មុំ : បើយោងតាមការរិះគន់ជាសាធារណៈរបស់ពលរដ្ឋដើម្បីឲ្យមានការជម្រាបដំណឹងជូនដល់អាជ្ញាធរដែលមានដែនសមត្ថកិច្ចក្នុងតំបន់ មន្ត្រីជំនាញពាក់ព័ន្ធអំពីការជះក្លិនមិនល្អរបស់សាធាតុញៀនដែលជាសារធាតុសម្រាប់បង្កើតនិងផលិតចេញជាបារីដើម្បីលក់ចេញលើទីផ្សារជាហេតុនាំឲ្យមានផលប៉ះពាល់ដល់សុខមាលភាពពលរដ្ឋទូទៅពិសេសពលរដ្ឋដែលរស់នៅក្នុងតំបន់ស្ថិតនៅក្នុងភូមិសាស្ត្រឃុំអូរព្រិច ឃុំកក់ ស្រុកពញាក្រែក ខេត្តត្បូងឃ្មុំ។ លោករ៉ែន ជាអនុភូមិអូរព្រិចបានផ្ដល់បទសម្ភាសន៍ជូនដល់អ្នកសារព័ត៌មានយើងថាជុំវិញការជះក្លិនទាំងអស់នេះសូមឱ្យសាកសួរដល់រោងចក្រផ្ទាល់តែម្ដងទៅ រួចចុចបិទទូរស័ព្ទដៃ ព្រោះលោកហាក់ដូចជាមិនសូវខ្វាយខ្វល់ និងមិនចង់និយាយអ្វីទាំងអស់ តែកុំភ្លេចថាលោកជាមន្ត្រីបម្រើរាស្ត្រទោះបីចង់មិនចង់ក៏ដោយ។ ចំណែកលោក លី សុភាលីន ជាអភិបាលស្រុកពញាក្រែកបានជម្រាបជូនមកសារព័ត៌មានរបស់យើងថា នៅវេលាព្រឹកនេះនាថ្ងៃទី ៦ ខែវិច្ឆិកាឆ្នាំ២០២៤ លោកសូមអធ្យាស្រ័យមិនបានឆ្លើយតបដោយសារមានការជាប់ប្រជុំ អង្គភាពសារព័ត៌មានរបស់យើងយល់ឃើញថាដោយសារកាតព្វកិច្ចភារកិច្ចលោកត្រូវបំពេញនិងមានការរវល់ខ្លាំងពេក ទើបសារព័ត៌មានរបស់យើងទទួលបានតែចម្លើយជាប់ប្រជុំប៉ុណ្ណឹង ហើយនេះគឺជាសារមួយដ៏ល្អសម្រាប់មន្ត្រីហ៊ានទទួលខុសត្រូវនៅក្នុងការលើកទូរសព្ទដៃរបស់អ្នកសារព័ត៌មានដោយបានឆ្លើយតបត្រឡប់មកវិញ ផ្ទុយពីមន្ត្រីមួយចំនួនទៀតឮថាអ្នកសារព័ត៌មានទំនាក់ទំនងដើម្បីសាកសួរព័ត៌មានទៅបែរជាមិនលើកឬក៏ចុចបិទទូរសព្ទដៃតែម្ដងហើយមន្ត្រីប្រភេទនេះភាគច្រើនជាមន្ត្រីមិនហ៊ានទទួលខុសត្រូវចំពោះកាតព្វកិច្ចនិងការងាររបស់ខ្លួន។ បន្ថែមពីលើនេះទៅទៀតសារព័ត៌មានរបស់យើងនឹងធ្វើការទំនាក់ទំនងទៅឯកឧត្តម ប៉ែន កុសល អភិបាលខេត្តត្បូងឃ្មុំ និងលោក ប្រធានមន្ទីរសុខាភិបាលខេត្តត្បូងឃ្មុំ ប្រធានមន្ទីរពាណិជ្ជកម្ម ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត អាជ្ញាធរនៃអគ្គនាយកដ្ឋានការពារអ្នកប្រើប្រាស់ កិច្ចការការប្រកួតប្រជែងនិងបង្រាបការក្លែងបន្លំ (ហៅថា ក ប ប ឬ CCF) ជាដើមដើម្បីសូមការបញ្ជាក់បន្ថែម ក៏ប៉ុន្តែសារព័ត៌មានរបស់យើងមិនអាចធ្វើការទំនាក់ទំនងបានដោយពុំមានលេខទូរសព្ទដៃ។ តែទោះជាយ៉ាងណាក៏ដោយសាធារណជនក៏ដូចជាសង្គមស៊ីវិលនៅតែមានជំនឿជឿជាក់ចំពោះថ្នាក់ដឹកនាំរបស់យើងនៅខេត្តត្បូងឃ្មុំដែលតែងតែបំពេញភារកិច្ចដោយយកចិត្តទុកដាក់ចំពោះទុក្ខធុរៈពលរដ្ឋក៏ដូចជាចូលរួមចំណែកក្នុងការការពារនៅសុវត្ថិភាពសុខមាលភាពពលរដ្ឋទូទៅ និងធ្វើការដើម្បីជួយជំរុញផ្នែកសេដ្ឋកិច្ចជាតិឆ្លងតាមរយៈការអនុវត្តច្បាប់ចំពោះក្រុមហ៊ុនទាំងឡាយណាដែលមកធ្វើការរកស៊ីវិនិយោគនៅក្នុងទឹកដីកម្ពុជាត្រូវតែមានការគោរពដល់បទដ្ឋាននានាដែលច្បាប់នៃព្រះរាជាណាចក្រកម្ពុជាបានចែង។ អង្គភាពសារព័ត៌មានរបស់យើងនិងទទួលយកនូវរាល់ព័ត៌មានទាំងឡាយណាដែលស្ថាប័ននៃក្រសួងពាក់ព័ន្ធធ្វើការបំភ្លឺដើម្បីយើងនឹងផ្សព្វផ្សាយបន្តជៀសវាងកុំឲ្យសាធារណៈជនក៏ដូចជាសង្គមស៊ីវិលមានការងារឆ្ងល់ និងរក្សាការពារនូវសុខមាលភាពពលរដ្ឋរបស់ខ្លួននៅក្នុងតំបន់ក៏ដូចជាសង្គមជាតិទាំងមូល។ ក្នុងន័យនេះអង្គភាពសារព័ត៌មានរបស់យើងនឹងធ្វើការចេញផ្សាយជាបន្តបន្ទាប់ស្ដីពីច្បាប់ក៏ដូចជាបទដ្ឋាននានានិងអ្វីដែលជាកង្វះខាតចន្លោះប្រហោងដែលមើលទៅហាក់បីដូចជាមិនគោរពនូវគោលការណ៍មួយចំនួននៃច្បាប់ព្រះរាជាណាចក្រកម្ពុជា។ ហើយយើងធ្វើការផ្សព្វផ្សាយតាមច្បាប់ស្ដីពីរបបសារព័ត៌មាន និងធម្មនុញ្ញ វិជ្ជាជីវៈអ្នកសារព័ត៌មាននៅកម្ពុជា ក្រោមការដឹកនាំក្នុងអន្តរកាលឯកឧត្តម នេត្រ […]

រោងចក្រផលិតបារីចិនខណ្ឌកំបូល មានច្បាប់អនុញាតិគ្រប់គ្រាន់ឬមួយយ៉ាងណា?សូមមន្ត្រីក្រសួងពាក់ព័ន្ធជាពិសេស (កបប)មេត្តាចុះត្រួតពិនិត្យ រាជធានីភ្នំពេញ :បន្ទាប់ពី អង្គភាពអ្នកសារព័ត៌មានជាច្រើន បានផ្សព្វផ្សាយ រយៈកន្លងនៅចំណុចទីតាំងរោងចក្រផលិតបារីរបស់ជនជាតិចិន មហាជននិងអង្គការសង្គមស៊ីវិល មានការសង្ស័យចំពោះទីតាំងរោងចក្រផលិតបារី ចិនមួយកន្លែងស្ថិតនៅក្នុងភូមិសាឡូង សង្កាត់កំបូល ខណ្ឌកំបូលរាជធានីភ្នំពេញ ដែលជាទីកន្លែងផលិតបារី ដែលគេអះអាងថាស្របច្បាប់ មានការអនុញ្ញាតិពីក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ និងមានបង់ប៉ាតុងក្តី តែអ្វីដែលអង្គភាពអ្នកសារព័ត៌មានយើង និងយកមកបើកបង្ហាញនោះគឺ នៅមិនគ្រប់គ្រាន់ នៅខ្វះឯកសារពាក់ព័ន្ធជាច្រើនទៀត ដែលរោងចក្រផលិតនិងចែកចាយ នៅមិនទាន់បើកបង្ហាញដើម្បីអោយអង្គភាពអ្នកសារព័ត៌មានយើងបានផ្សព្វផ្សាយជាសាធារណះ ក្នុងគោលបំណងបញ្ជាក់ទៅមហាជន ។ ក្រសួងឧស្សាហកម្ម និងស្ថាប័នពាក់ព័ន្ធ និងមន្ត្រីជំនាញនាយកដ្ឋាន(ក.ប.ប)គួរតែអនុវត្តន៍ច្បាប់ដែលបានចែង នៅក្នុងព្រះរាជណាចក្រកម្ពុជា។ តែអ្វីដែលអង្គភាពសារព័ត៌មានយើង ចង់បើកបង្ហាញនោះ គឺក្លិនរបស់ថ្នាំ រួមនិងសារធាតុញៀន មួយចំនួន ដែលជាមូលហេតុ ធ្វើអោយប៉ះពាល់ដល់សុខភាព និងកើតជំងឺមហាជាច្រើនគ្រប់ប្រភេទដែលកន្លងមកអង្គភាពអ្នកសារព័ត៌មាន ជាច្រើនបានចុះផ្សាយ ជាបន្តបន្ទាប់ ពីមួយទៅមួយ ក្នុងការជំរុញឲ្យមន្ទីរការងារនិងបណ្ដុះបណ្ដាលវិជ្ជាជីវៈ និងស្ថាប័នពាក់ព័ន្ធជួយឆ្លើយបំភ្លឺ ចំពោះទីតាំងរបស់ក្រុមហ៊ុនខាងលើគឺជាកន្លែងផលិតបារីស្របច្បាប់ក្តី តែគ្រាន់តែជារនាំងបិទបាំង បង្កើនផលិតសារធាតុញៀន និងផលិតស្លាកយីហោ ផ្សេងៗជាច្រើន ។ បើយោងទៅតាមច្បាប់ដែលបានចែងនៅក្នុងក្រសួងពាណិជ្ជកម្មត្រូវបានកំណត់ម៉ាក ចំនួនផលិតផល និងឈ្មោះក្រុមហ៊ុនទៅតាមការផ្ដល់ជូនមានចំនួនកំណត់ជាក់លាក់នៃក្រុមហ៊ុនខ្នាតតូច មធ្យម និងខ្នាតធំ […]

នោះព្រះអើយ! ធ្លាប់តែឮគេនិយាយតឮភ្លាពីមាត់មួយទៅមួយ ឥឡូវនេះឃើញច្បាស់នឹងភ្នែកតែម្ដង ! ការនាំចូលទាំងខុសច្បាប់នូវសាច់បង្កបតាមច្រករបៀងពីប្រទេសវៀតណាមអាចជាហេតុនាំឲ្យប្រជាពលរដ្ឋខ្មែររងគ្រោះផ្នែកសុខភាព ខេត្តស្វាយរៀង: បើតាមការលើកឡើងរបស់ប្រជាពលរដ្ឋមួយចំនួនប្រាប់មកអ្នកសារព័ត៌មានយើងឱ្យជួយពិនិត្យ និងធ្វើការចុះផ្សាយជម្រាបដំណឹងដល់អាជ្ញាធរថ្នាក់ជាតិ និងក្រោមជាតិពិសេសមន្ត្រីសមត្ថកិច្ចមានជំនាញជួយធ្វើការទប់ស្កាត់រាល់ការលួចនាំចូលសាច់មាន់បង្កកមួយចំនួនតាមរយៈច្រករបៀងស្ថិតនៅភូមិធ្លក សង្កាត់ច្រក់ម្ទេស  ទល់មុខសាលាក្រុងបាវិត ក្រុងបាវិត ខេត្តស្វាយរៀង ព្រំដែនកម្ពុជាវៀតណាម។ ចំពោះប្រភេទសាច់ទាំងអស់នោះមិនត្រូវបានធ្វើការត្រួតពិនិត្យតាមរបៀប និងបច្ចេកទេសពេទ្យសត្វនោះទេ ឬក៏មន្ត្រីពាក់ព័ន្ធ ហើយសូមឲ្យថ្នាក់ដឹកនាំជ្រាបជាព័ត៌មាន! នាព្រឹកព្រលឹមម៉ោងប៉ុន្មានជាង៦ព្រឹកអ្នកសារព័ត៌មានរបស់យើងបន្ទាប់ពីមានសេចក្តីរាយការណ៍ចេញពីប្រជាពលរដ្ឋក៏បានធ្វើដំណើរដើម្បីពិនិត្យមើលនូវរាល់នូវទិដ្ឋភាពដែលជនជាតិវៀតណាមដឹកសាច់បង្កកតាមម៉ូតូដោយគ្មាននរណាពិនិត្យនោះទេគឺចូលមកទឹកដីខ្មែរដើម្បីចែកចាយបន្តតាមទីផ្សារក្នុងប្រទេសកម្ពុជា ហើយបើទោះបីជានរណាមានផលប៉ះពាល់សុខភាពក៏ដោយ។ ជុំវិញករណីខាងលើនេះអង្គភាពសារព័ត៌មានរបស់យើងសូមជម្រាបជូនដំណឹងជូនចំពោះឯកឧត្តម ប៉េង ពោធិ៍សា អភិបាលខេត្តស្វាយរៀង លោកឧត្តមសេនីយ៍ទោ ពេជ្រ វីរៈ ស្នងការនៃស្នងការដ្ឋានខេត្តស្វាយរៀង លោក គុជស៊ីថា ប្រធានមន្ទីរសុខាភិបាលខេត្តស្វាយរៀង និងមន្ត្រីជំនាញ មន្ត្រីនៃ កងកម្លាំងការពារព្រំដែនគោកច្រក់ម្ទេស  ជ្រាបជាព័ត៌មានតាមរយៈបណ្ដាញការផ្សព្វផ្សាយនៃសារព័ត៌មានរបស់យើង។ដោយអង្គភាពសារព័ត៌មានរបស់យើងពុំទាន់មានលេខទូរសព្ទដើម្បីធ្វើការទំនាក់ទំនងដោយផ្ទាល់។ ហើយសារព័ត៌មានរបស់យើងធ្វើការផ្សព្វផ្សាយតាមច្បាប់ស្ដីអំពីរបបវិជ្ជាជីវៈអ្នកសារព័ត៌មាននៅកម្ពុជា និងស្របតាមធម្មនុញ្ញវិជ្ជាជីវៈអ្នកសារព័ត៌មាន សូមអរគុណ។ ចេញផ្សាយដោយសារព័ត៌មាន Phnompenh Today Tel:0888753768

ទីតាំងល្បែងស៊ីសងហ្គេមបាញ់ត្រី១មួយកន្លែងឈ្មោះREMlX កំពុងបើកទទួលភ្ញៀវឱ្យចូលលេងយ៉ាងគគ្រឹកគគ្រេង ភ្នំពេញ÷នាយប់ថ្ងៃទី ២៦ ខែមេសា ឆ្នាំ២០២៤ ប្រភពព័ត៌មានពីប្រជាពលរដ្ឋបានផ្ដល់មកប្រាប់ភ្នាក់ងារសារព័ត៌មានឱ្យបងស្អាតធីវីយើងថាមានលេងល្បែងស៊ីសងហ្គេមបាញ់ត្រីឈ្មោះREMlX កំពុងបើកដំណើរការទទួលភ្ញៀវឲ្យចូលលេងយា៉ងគគ្រឹកគ្រេងថ្នាល់ដាក់លុយរាប់រយដុល្លារ ហាក់បីដូចជាគ្មានខ្លាចញញើតច្បាប់បន្តិចសោះបងប្អូនប្រជាពលរដ្ឋរស់នៅក្នុងសង្កាត់ទន្លេបាសាក់គាត់មានការព្រួយបារម្ភៃខ្លាចកើតមាន ចោរ កម្ម លួច ឆក់ ប្លន់ និង អំពើហិង្សាក្នុងភូមិឃុំជាដើម។ សូមរំលឹកថា អនុសាសន៍របស់សម្ដេចមហាបបរធិបតី ហ៊ុន ម៉ា ណែត នាយករដ្ឋមន្ត្រីនៃព្រះរាជាណាចក្រ កម្ពុជា បានដាក់ចេញបទបញ្ជា ថ្មីៗនេះ ឱ្យអភិបាលរាជនីខេត្ត ទាម ២៥ ខេត្តក្រុង ត្រូវបិទទីតាំងលេងល្បែងស៊ីសងគ្រប់ប្រភេទទាំងអស់ ឱ្យខណ្ឌតែបាន សម្ដេចមហាបបរធិបតីហ៊ុនម៉ាណែត បានបញ្ជាក់ យ៉ាងច្បាស់ថា អាជ្ញាធរស្រុកក្រុងខេត្តណា ដែលមិនទប់ស្កាត់មិនបង្ក្រាបបទល្មើសល្បែងស៊ីសងគ្រប់ប្រភេទ នៅក្នុងមូលដ្ឋានរបស់ខ្លួននោះទេ ! អាជ្ញាធរនិងសមត្ថកិច្ចទាំងនោះ នឹងត្រូវប្រឈមមុខបាត់បង់តំណែងទៀតផង។។ បងប្អូនប្រជាពលរដ្ឋ រស់នៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ បានឲ្យដឹងថា ក្រុមអ្នកញៀនល្បែងស៊ីសងហ្គេមបាញ់ត្រីតែងតែចូលទៅលេងយ៉ាងៗគគ្រឹកគ្រេងនៅចំណុចទីតាំងខាងលើនេះ ក្នុងនោះដែរអាជ្ញាធរនិងសមត្ថកិច្ចខណ្ឌចំការមននាំគ្នារក្សាភាពស្ងៀមស្ងាត់ បង្គឿននិងបទបញ្ជា របស់សម្ដេចមហាបបរធិបតី ហ៊ុន ម៉ា ណែត ដែលមានប្រសាសន៍កន្លងទៅថ្មីៗនេះ ប្រជាពលរដ្ឋដាក់ការសង្ស័យថា ទីតាំងល្បែងស៊ីសងខាងលើនេះមានអ្វីពិសេសនៅពីក្រោយខ្នងបានជាមិនបង្ក្រាប។ […]