រដ្ឋបាលស្រុក និងខេត្តបញ្ជាបន្ទាន់ដើម្បីដោះស្រាយជូនពលរដ្ឋខណៈដែលមានមនុស្សរងរបួសធ្ងន់និងស្រាល ព្រមទាំងសត្វគោមួយចំនួនដោយសារតែការបន្ទុះភ្នំរបស់ក្រុមហ៊ុន
ខេត្តកំពត: បើយោងតាមប្រភពព័ត៌មានដែលបានជម្រាបដំណឹងមកថា មានក្រុមហ៊ុនវិនិយោគភ្នំមួយដែលមានឈ្មោះហៅថាក្រុមហ៊ុនម្សៅបៀក(មានតំណាងអ្នកគ្រប់គ្រងលោក លី គឹមវ៉ុន) ក្រុមហ៊ុនម្សៅបៀកនេះបានធ្វើការបំផ្ទុះភ្នំដោយបំបែកថ្មយកធនធានធម្មជាតិដើម្បីកែច្នៃជាវត្ថុធាតុដើមផ្សេងៗដើម្បីធ្វើអាជីវកម្មលក់ចែកចាយគ្រប់ទីកន្លែងនៅក្នុងប្រទេសកម្ពុជា។
សកម្មភាពនៃការបំបែកថ្មពីភ្នំដែលមានឈ្មោះថាភ្នំច្រលួញ ស្ថិតនៅក្នុងភូមិ ច្រក់ឃ្លី ស្រុកបន្ទាយមាស ខេត្តកំពត។
បើយោងតាមការរៀបរាប់របស់សាច់ញាតិដែលរងគ្រោះដោយសារការបន្ទុះក្នុងនោះដែលធ្វើឲ្យក្រុមគ្រួសារមានមនុស្សតូចធំរបស់ធ្ងន់និងស្រាល ព្រមទាំងសត្វគោមួយចំនួន និងផ្ទះត្រូវធ្លុះធ្លាយពាងត្រូវបែកបាក់ផងដែរ។
បើយោងតាមសមត្ថកិច្ចមួយចំនួនដែលបានប្រាប់បានឲ្យដឹងថាការបន្ទោសភ្នំនេះអាចមានចម្ងាយឆ្ងាយមានល្បឿនដល់ជាង៣០០ម៉ែត្រចេញពីកន្លែងបំផ្ទុះ។
នៅជុំវិញករណីហេតុការណ៍ខាងលើនេះ លោក នូរ ច័ន្ទដា អភិបាលស្រុកបន្ទាយមាសបានឱ្យក្រុមការងារនៃរដ្ឋបាលស្រុកបន្ទាយមាសរបស់លោកចូលមកធ្វើការងារនេះស្របតាមបទបញ្ជាឯកឧត្តមអភិបាលខេត្តកំពតលោក ម៉ៅ ធនិន្ទ នូវគោលការណ៍ដោយស្រាយការងារទាំងបួនក្នុងនោះរួមមានទី១ សូមធ្វើការសង្គ្រោះជីវិតមនុស្សជាបឋមជាបន្ទាន់និងចាំបាច់ ទី២ ត្រូវធ្វើការជួសជុលរាល់ផ្ទះសម្បែងដែលរងការខូចខាតធ្លុះធ្លាយឲ្យបានលឿនរហ័ស ទីបី ត្រូវតែបញ្ជាឲ្យរាល់កម្លាំងជំនាញនិងកិច្ចការរដ្ឋបាលស្រុកធ្វើការស្រាវជ្រាវរាល់ផលប៉ះពាល់និងទំហំនៃការខូចខាតឲ្យបានច្បាស់លាស់ដើម្បីឈានទៅដល់ការវាយតម្លៃធ្វើយ៉ាងណាឲ្យបានត្រឹមត្រូវដើម្បីឲ្យខាងក្រុមហ៊ុនធ្វើការទូទាត់ជូនដល់ជនរងគ្រោះទាំងឡាយដែលជាប្រជាពលរដ្ឋរបស់ស្រុកខេត្ត និងទី៤ត្រូវធ្វើកិច្ចការងាររាល់ផលប៉ះពាល់ទាំងអស់នោះដែលផ្ដល់ភាពពិតប្រាកដនិងត្រឹមត្រូវជៀសវាងដើម្បីមានការវាយប្រហារនិងរិះគន់ពីសំណាក់ព័ត៌មានមិនពិតតែមានផលប៉ះពាល់ទៅដល់កិច្ចការវិនិយោគរបស់អ្នករកស៊ីទាំងឡាយ ដែលមានការអភិវឌ្ឍន៍ជាមួយនឹងរាជរដ្ឋាភិបាលកម្ពុជាក្នុងដំណើរឆ្ពោះកសាងប្រទេសជាតិកម្ពុជាយើង។
យើងសូមបញ្ជាក់ផងដែរថាជារៀងក្នុងករណីហេតុការណ៍ដែលកើតឡើងគ្រប់ពេលវេលារដ្ឋបាលស្រុកបន្ទាយមាសរាំការដឹកនាំរបស់លោក នូរ ច័ន្ទដា តែងតែយកចិត្តទុកដាក់ជាមួយបងប្អូនប្រជាពលរដ្ឋនៅគ្រប់ទីកន្លែងដើម្បីសម្រួល និងជួយដោះស្រាយជូនដល់ពួកគាត់ខណៈដែលបញ្ហាអ្វីដែលកើតឡើង។
សម្រាប់ផលប៉ះពាល់ និងខូចខាតទាំងអស់នោះមិនទាន់អាចវាយតម្លៃ និងសន្និដ្ឋានថាខាងភាគីក្រុមហ៊ុនធ្វើការសងជាសំណងទូទាត់ជាសាច់ប្រាក់ និងត្រូវបានដាក់ពិន័យទោសទណ្ឌតាមច្បាប់ជាធរមានបើទោះបីជាក្រុមហ៊ុននេះមានអាជ្ញាប័ណ្ណយ៉ាងណានោះនៅឡើយទេ ព្រោះពេលនេះអាជ្ញាធរ និងកម្លាំងជំនាញ រួមជាមួយកំពុងសិក្សាដើម្បីវាយតម្លៃសំុណុំរឿងហេតុការណ៍នេះដល់ផលប៉ះពាល់ព្រមទាំងធ្វើយ៉ាងណាដើម្បីឲ្យក្រុមហ៊ុនធ្វើការទទួលខុសត្រូវចំពោះមុខច្បាប់ជាធរមាន។
អង្គភាពសារព័ត៌មានរបស់យើង និងរង់ចាំទទួលយកនូវគ្រប់បណ្ដាប្រភពព័ត៌មានពាក់ព័ន្ធផ្សេងៗទៀតក្នុងករណីចាំបាច់ដើម្បីទទួលយកព័ត៌មានបញ្ជាក់បន្ថែម និងធ្វើការចេញផ្សាយជាបន្តបន្ទាប់ផងដែរដោយយោងតាមច្បាប់ស្ដីពីរបបសារព័ត៌មានព្រមទាំងធម្មនុញ្ញវិជ្ជាជីវៈអ្នកសារព័ត៌មាននៅកម្ពុជា សូមអរគុណ។
