ការយកលៀសខុសលក្ខណៈបានចាប់ផ្តើមកក្រើកទៀតហើយ!
ពោធិសាត់: លៀសជាច្រើនតោនក្នុងមួយយប់ៗត្រូវបានឈ្មួញដឹកជញ្ជូនយ៉ាងកក្រើកទៀតហើយពេលនេះ។
សារធារណជនទូទៅបានប្រាប់មកដល់អ្នកសារព័ត៌មានថាលៀសខុសច្បាប់នេះដឹកដោយរថយន្តធំៗដែលជាកម្មសិទ្ធិរបស់ឈ្មួញល្បីឈ្មោះម្នាក់មានឈ្មោះថាម៉ែនី ឬយាយនី ដែលជារឿងៗកន្លងមកត្រូវបានដឹកជញ្ជូនលៀសទាំងនោះរាប់តោនទៅលក់នៅប្រទេសវៀតណាមតាមរយះក្រុមបក្សពួកដែលនៅវៀតណាមចាំទិញយកធ្វើជាចំណីរសត្វ ដែលជាហេតុបណ្តាលឲ្យធនធានជីវ:ចម្រុះធម្មជាតិប្រភេទនេះស្ទើរលាយបាត់បង់ពីបឹងទន្លេសាប។
ម៉ាក់នីឬយាយនី កន្លងមកត្រូវបានមន្ត្រីនៃមន្ទីកសិកម្ម រុក្ខាប្រមាញ់ និងនេសាទ បានចាប់ឃាត់យកទៅពិន័យអន្តរកាល និងអប់រំគាត់ ៊ថ្មីៗកន្លងមកហើយ ក៏ប៉ុន្តែពេលនេះមិនត្រឹមតែមិនស្តាប់ការណែនាំរបស់មន្ត្រីសមត្ថកិច្ចជំនាញ និងរដ្ឋបាលខេត្តពោធិសាត់ទេ ថែមទាំងធ្វើការត្រួសត្រាយផ្លូវដើម្បីយកលៀសទាំងនោះចេញជាច្រើនតោនជារាងរាល់យប់នៅក្នុងទីតាំងថ្មីគឺស្ថិតនៅក្នុងភូមិសាស្ត្របឹងទន្លេសាប ភូមិកំពង់លើ ឃុំក្បាលត្រាច ស្រុកក្រគរ ខេត្តពោធិសាត់។
ជាចម្ងល់សម្រាប់សាធារណជនកំពុងតែមានការសង្ស័យថាបើមិនមានការបើកដៃឬឲ្យភ្លើងខៀវពីក្រុមមន្ត្រីជំនាញសមត្ថកិច្ចពាក់ព័ន្ធណាមួយនោះទេ ប្រាកដណាស់មិនអាចត្រួសត្រាយផ្លូវរាប់ម៉ឺនម៉ែត្រសម្រាប់រថយន្តដឹកជញ្ជូនលៀសខុសច្បាប់សំដៅចូលទៅក្នុងផ្លូវជាតិលេខ៥បន្តដំណើរបាននោះទេ គឺប្រៀបដូចខ្មោចស្រុកឲ្យដៃខ្មោចព្រៃហ៊ានធ្វើសកម្មភាព។
៊
ប្រជាពលរដ្ឋទូទៅស្នើសុំឲ្យមន្ត្រីជំនាញនៃមន្ទីរ កសិកម្មរុក្ខាប្រមាញ់ និងនេសាទ នាយខណ្ឌជនផល នាយសង្កាត់ នៃបឹងទន្លេសាប ស្រុកក្រគរ ពីសេសរដ្ឋបាលស្រុកក្រគរ ខេត្តពោធិសាត់ សូមមានវិធានការទប់ស្កាត់ជាបន្ទាន់ដើម្បីការបាត់បង់ជីវ:ចម្រុះក្នុងបាតបឹងទន្លេសាបក្នុងរដូវបិទឡូនេសាទដែលត្រូវច្បាប់ហាមឃាត់ក្នុងការការពារសម្បត្តិធនធានធម្មជាតិកម្ពុជាយើង។
