ទីតាំងបើកថ្មីល្បីថាមានបង្កប់ការប្រើប្រាស់ថ្នាំញៀន និងបម្រើសេវាផ្លូវភេទដ៏កក្រើក
ក្រុងប៉ោយប៉ែត ខេត្តបន្ទាយមានជ័យ: បើយោងតាមសេចក្តីរាយការណ៍របស់ប្រជាពលរដ្ឋមួយចំនួនថា មានទីតាំងត្រូវបានជនជាតិថៃបើកសម្រាប់បម្រើសេវាជួញដួរផ្លូវភេទ និងប្រើប្រាស់ថ្នាំញៀន តើជាហេតុបង្កឲ្យមានបញ្ហាដល់អាយុជីវិត សេចក្តីថ្លៃថ្នូរ និងសន្តុសុខរបស់មនុស្សនៅកម្ពុជា ការលើកឡើងក៏ដូចជាទិដ្ឋភាពជាក់ស្ដែងដែលទទួលបានទាំងនេះហាក់ដូចជាផ្ទុយពីអ្វីដែលសមត្ថកិច្ចមូលដ្ឋានខាងលើស្ថិតនៅក្រុងប៉ោយប៉ែតមិនដឹង មិនឮ និងឃើញអំពីទីតាំងទាំងនេះទាល់តែសោះ។
ជារៀងរាល់រាត្រីមានរថយន្ត និងម៉ូតូកង់បីឥណ្ឌាមួយចំនួនបានដឹកជញ្ជូននារីស្អាតៗទៅហើយនិងមកចេញហើយនិងចូលពីផ្ទះមួយកន្លែងដែលគ្មានស្លាកយីហោ មានតែភ្លើងពណ៌ស្រឹមៗ ស្ថិតនៅភូមិបាលិលេយ្យ១ ក្រុងប៉ោប៉ែត ខេត្តបន្ទាយមានជ័យ ដោយល្បីល្បាញថាជាទីតាំងរកស៊ីមិនត្រឹមត្រូវ និងមានការគេចវេសក្នុងការបង់ពន្ធអាករជូនដល់រដ្ឋតាមរយៈការបើកបម្រើសេវាផ្សេងៗដែលច្បាប់បានអនុញ្ញាតឲ្យគ្រប់បុគ្គលមានភាពស្មើរគ្នាកតព្វកិច្ចជូនរដ្ឋ និងគោរពច្បាប់នៃប្រទេសកម្ពុជា។
ជាងនេះទៅទៀតការពពាក់ពពូនគ្នារបស់ជនអន្តោប្រវេសន៍មួយចំនួនដែលមានម្ចាស់ទីតាំងជាជនជាតិអន្តោប្រវេសន៍ថៃ ដែលអាចនាំឲ្យមានភាពអសន្តិសុខសម្រាប់ប្រទេសជាតិ ខណៈដែលក្រុងប៉ោយប៉ែតជាទីតាំងដែលមានជនអន្តោប្រវេសន៍មកធ្វើការរស់នៅនិងរកស៊ីចេញចូលដោយធ្វើយ៉ាងណាដើម្បីគ្រប់គ្រងឲ្យបានសន្តិសុខជាតិជាមូលដ្ឋានរបស់ប្រទេសកម្ពុជា។
ហើយជាងនេះទៅទៀតទោះបីជាទីតាំងនេះមិនត្រូវបានសមត្ថកិច្ចបានដឹងអំពីការប្រមូលផ្ដុំគ្នាក្នុងការបម្រើសេវាកម្មជួញដូរផ្លូវភេទដោយមានការដឹកជញ្ជូនមនុស្សទៅហើយ និងប្រើប្រាស់ថ្នាំញៀនក៏ដោយ ក៏ប្រជាពលរដ្ឋសំណូមពរ និងជឿជាក់ចំពោះឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោកឧត្តមសេនីយ៍ទោ សិទ្ធិ ឡោះ ស្នងការខេត្តបន្ទាយមានជ័យ និងលោកវីរសេនីយ៍ឯក សៅ សារឿន អធិការក្រុងប៉ោយប៉ែត សូមមានវិធានការ និងត្រួតពិនិត្យទីតាំងខាងលើ ដើម្បីរក្សាឲ្យបាននូវសន្តិសុខជាតិ និងសេចក្តីថ្ងៃថ្នូររបស់ប្រទេសកម្ពុជា សូមអរគុណ។
