ក្លិននៃការផលិតបារីនាំឲ្យប៉ះពាល់សុខភាពមនុស្ស ខណះពលរដ្ឋត្ត្អូញត្អែរស្នើរសុំឲ្យជួយចាត់វិធានការ(វគ្គ១)
ខេត្តកណ្ដាល : យោងតាមប្រភពដែលបានជម្រាបជូនដំណឹងមកថា មានទីតាំងមួយកន្លែងកំពុងតែសម្ងំផលិតបារីដែលជាហេតុបង្កឲ្យមានផលប៉ះពាល់ដល់សុខភាពពលរដ្ឋទូទៅ ពិសេសកុមារាកុមារីដែលកំពុងតែសិក្សារៀនសូត្រនៅក្នុងភូមិដ្ឋាន។
ជាងនេះទៅទៀតអ្នកស្រុកមួយចំនួនបានត្អូញត្អែររអ៊ូថា ការផលិតបារីនៅក្នុងទីតាំងភូមិអង្ក្រង់ស្វាយ ឃុំស្វាយពពារ ស្រុកមុខកំពូល ខេត្តកណ្ដាល គឺបានផលិតនៅក្នុងភូមិសាស្ត្រដែលប្រជាពលរដ្ឋកំពុងតែរស់នៅយ៉ាងច្រើន ហើយជារៀងរាល់ថ្ងៃក្លិនបានជះភាយជុំវិញបរិវេណក្នុងភូមិសាស្ត្រទាំងអស់នោះនាំឲ្យសុខភាពមានបញ្ហា។
ដោយឡែកបើនិយាយអំពីច្បាប់ទម្លាប់ពលរដ្ឋក៏បានបញ្ជាក់ផងដែរថា ទីតាំងនេះគឺមិនមានលើកស្លាកយីហោថាជាក្រុមហ៊ុនដែលអនុវត្តទៅតាមនីតិវិធីច្បាប់នៃការបង្កើតរោងចក្រផលិតបារី ឬក៏ច្បាប់ហាមឃាត់មួយចំនួនរបស់អន្តរក្រសួងនោះផងដែរ។
សាធារណៈជន និងពលរដ្ឋនៅក្នុងភូមិសាស្ត្រឋាងលើនោះស្នើសុំឲ្យឯកឧត្តម គួច ចំរើន អភិបាលខេត្តកណ្ដាល សូមពិនិត្យ និងធ្វើយ៉ាងណាឱ្យរោងចក្រផលិតបារីមួយនេះដាក់ទីតាំងនៅឲ្យឆ្ងាយពីទីកន្លែងដែលពលរដ្ឋរស់នៅនេះ ចៀសវាងការបង្កឲ្យមានផលប៉ះពាល់សុខមាលភាពរបស់មនុស្សពិសេសពលរដ្ឋនៅភូមិសាស្ត្រខាងលើនេះ និងដែលនាំឱ្យមានការរិះគន់ ប្រតិកម្មខ្លាំងទៅខ្លាំងទៅក្នុងមួយថ្ងៃៗចំពោះទីតាំងកន្លែងខាងលើនេះ។
សារព័ត៌មានរបស់យើងនឹងធ្វើការបន្ថែមសម្រាប់ការចេញផ្សាយជាបន្តបន្ទាប់ក្នុងលក្ខខណ្ឌដែលមានប្រភពផ្ដល់មកនៅពេលក្រោយ។
សារព័ត៌មានរបស់យើងធ្វើការចុះផ្សាយក្នុងគោលបំណងជួយការងារសង្គម និងគោរពទៅតាមធម្មនុញ្ញវិជ្ជាជីវៈអ្នកសារព័ត៌មាននៅកម្ពុជា ពិសេសច្បាប់ស្ដីអំពីរបបអ្នកសារព័ត៌មាន សូមអរគុណ។
សូមទំនាក់ទំនងការផ្សាយពាណិជ្ជកម្មតាមរយៈលេខទូរសព្ទ :0888753768
