ភ្លើងបានឆាប់ឆេះទីតាំងសប្បាយៗមួយកន្លែងផ្អើលទាំងព្រឹក:
……………………………………………..
រាជធានីភ្នំពេញ: ហាងផឹកស៊ីមួយកន្លែងបានឆាប់ឆេះអស់ស្លាកប៉ាណូ និងខូចខាតសម្ភារៈខ្លះថែមទៀតបណ្តាលមកពីផ្ទុះហ្គាសដ៏ធំមួយធ្វើឱ្យមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋនៅក្នុងភូមិសាស្ត្រប្លុកផ្សារសូរិយាម៉លសង្កាត់ផ្សារថ្មី 3 ខណ្ឌដូនពេញ រាជធានីភ្នំពេញ។
នៅក្នុងហេតុការណ៍នេះមានប្រជាពលរដ្ឋមួយចំនួនក៏បានលើកឡើងថាករណីនៃការផ្ទុះហ្គាសនេះ បានធ្វើឲ្យអ្នកនៅក្បែរៗហ្នឹងរត់ប្រសេកប្រសាច អ្នកខ្លះក៏ឈរមើលផង ហើយអ្នកខ្លះទៀតក៏បានហៅសមត្ថកិច្ចកាត់ផ្សារថ្មី 3 ខណ្ឌដូនពេញដែលនៅក្បែរនេះស្រាប់ ដើម្បីជួយអន្តរាគមន៍ហៅឡានទឹកធ្វើការពន្លត់។
ថ្វីត្បិតបើមានការឆាប់ឆេះក៏ដោយមួយរំពេចក៏ឃើញមានរថយន្តពន្លត់អគ្គីភ័យមកមួយចំនួនភ្លាមៗតែម្តងដើម្បីបាញ់ពន្លត់ឲ្យទាន់ពេលវេលាជៀសវាងមានការរាលដាលការប៉ះពាល់ដល់ហាងជាប់ៗគ្នាផ្សេងៗទៀតដែលកំពុងតែផឹកស៊ីសប្បាយៗនៅពេលទាបភ្លឺមានទាំងភ្ញៀវជាតិ និងអន្តរជាតិ។
សូមជម្រាបផងដែរថាទីតាំងប្លុកសូរិយាម៉លនេះជាកន្លែងដែលភ្ញៀវបរទេសមកពីតាមបណ្តាប្រទេសផ្សេងៗមកជួបជុំគ្នាទាំងស្រីទាំងប្រុសផឹកស៊ីសប្បាយ ព្រោះទីតាំងនេះជាទីតាំងដែលមានការបើកជាយូរឆ្នាំមកហើយស្ទើរតែបណ្ដាប្រទេសនីមួយៗនៅលើពិភពលោកបានស្គាល់អំពីហាងផឹកស៊ីពេលរាត្រីនៅក្នុងប្លុកសូរិយាម៉ល សង្កាត់ផ្សារថ្មី៣ ខណ្ឌដូនពេញរាជធានីភ្នំពេញ។
ប្រជាពលរដ្ឋបានមានការត្រេកអរចំពោះការអន្តរាគមន៍របស់អាជ្ញាធរសមត្ថកិច្ចក្នុងទឹកដីខណ្ឌ ដូនពេញ រាជធានីភ្នំពេញពីសេសអាជ្ញាធរសង្កាត់សារថ្មីទី៣ដែល បានសហការជាមួយនឹងក្រុមពន្លត់អគ្គីភ័យធ្វើការពន្លត់ឲ្យបានទាន់ពេលវេលាជូនដល់ប្រជាពលរដ្ឋ។
ប្រធានអគ្គីភ័យម្នាក់ដែលព្រះនាមអគ្គី 05 បានបញ្ជាក់មកសារព័ត៌មាន CSP TV NEWS និង PHNOM PENH TODAY នៅក្នុងពេលនោះថា លោកបានគ្រប់គ្រងស្ថានភាពបាន ១០០% ហើយសូមផ្ដាំផ្ញើដល់ប្រជាពលរដ្ឋនៅក្នុងរដូវខែរងារខ្យល់បក់មកហើយសូមមើលថែរក្សាផ្ទះសម្បែងពិសេសចង្ក្រានហ្គាស ភ្លើង ឲ្យបានសុខជ្រុងជ្រោយព្រមទាំងទៀនធូប ចៀសវាងហានិភ័យកើតឡើងដោយការធ្វើប្រហែស សូមអរគុណ។
