រោងចក្រផលិតបារីមួយកន្លែងរបស់ចិន ក្នុងខណ្ឌកំបូលមានការដុតបំផ្លាញវត្ថុសម្ភារះដែលផ្ទុះចេញជាអណ្ដាតភ្លើងឆេះយ៉ាងសន្ធោសន្ធៅ បង្កឲ្យមានការភ្ញាក់ផ្អើល ហើយថាតើគឺគឺដឹងការអនុវត្តច្បាប់នៅកម្ពុជាគឺជាអ្វីទេ គឺគឺ?

រាជធានីភ្នំពេញ :ទីតាំងកន្លែងផលិតបារីរបស់ជនជាតិចិនដែលគ្មានស្លាកយីហោត្រឹមត្រូវថាជារោងចក្រឲ្យពេញលក្ខណៈទៅនឹងច្បាប់នោះ បានធ្វើការដុតបំផ្លាញវត្ថុសម្ភារះមួយចំនួនដែលបង្កឲ្យមានការភ្ញាក់ផ្អើលដល់ប្រជាពលរដ្ឋរួមជាមួយនឹងអ្នកសារព័ត៌មានផងដែរស្ថិតនៅក្នុងសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ កាលពីយប់ថ្ងៃទី ២១ ខែមីនា ឆ្នាំ ២០២៥ ។

ក្នុងទិដ្ឋភាពហេតុការណ៍ទាំងអស់នេះនាំឲ្យមានការរិះគន់ពីសាធារណះជនថាគឺជាការមិនបានបំពេញកាតព្វកិច្ចក្នុងនាមជាពាណិជ្ជករដែលកំពុងតែផលិតនូវផលិតផលចែកចាយក្នុងតំបន់មួយចំនួនដែលផ្ទុយពីសេចក្តីណែនាំរបស់ក្រសួងមហាផ្ទៃដែលបានដាក់ជូននូវគោលការណ៍ទាំង៧ចំណុចគឺភូមិឃុំសង្កាត់មានសុវត្ថិភាពផងដែរ។
សាធារណៈជនមួយចំនួនទៀតក៏បានលើកឡើងថា ប្រសិនបើជារោងចក្រផលិតបារីមិនលើកស្លាកយីហោត្រឹមត្រូវគឺអាចជាការដុតបំផ្លាញអ្វីមិនស្របច្បាប់ក៏ថាបាន និងជាការប្រព្រឹត្តិនូវការលួចផលិតផ្ទុយពីអន្តរក្រសួងរួមមានដូចជា  :
-រាល់បណ្ដើររោងចក្រផលិតបារីត្រូវតែចុះឈ្មោះក្នុងច្បាប់នៃក្រសួងពាណិជ្ជកម្មដើម្បីបង្ហាញអំពីផលិតផលរបស់ខ្លួន និងម៉ាក់យីហោឲ្យបានច្បាស់លាស់ថាជាក្រុមហ៊ុនផលិតម៉ាកអ្វីឲ្យពិតប្រាកដ ដើម្បីកំណត់នូវទំហំនៃការផលិតដើម្បីបញ្ជាក់ថាជាក្រុមហ៊ុនខ្នាតតូច ខ្នាតមធ្យម និងជាប្រភេទក្រុមហ៊ុនខ្នាតធំជាដើម ហើយរាល់ផលិតផលទាំងអស់នោះត្រូវតែមានការបង់ពន្ធសម្រាប់ចំណូលរបស់រដ្ឋចៀសវាងការលួចលាក់ឃុបឃិតណាមួយជាប្រព័ន្ធក្នុងការបាត់បង់ចំណូលជាតិ។
-ទីពីរ រោងចក្រផលិតបារីត្រូវតែបំពេញកាតព្វកិច្ចសុំការអនុញ្ញាតច្បាប់ពីក្រសួងសុខាភិបាលដើម្បីពិនិត្យមើលថារាល់ការផលិតទាំងអស់នេះវាប៉ះពាល់ដល់សុខភាពរបស់ប្រជាពលរដ្ឋនៅក្នុងតំបន់ឬក៏នៅជុំវិញពិភពលោកដែលអន្តរជាតិកំពុងតែយកចិត្តទុកដាក់ធ្វើការយ៉ាងណាដើម្បីទប់ស្កាត់រាល់ផលប៉ះពាល់ដល់សុខមាលភាពរបស់ប្រជាពលរដ្ឋក្នុងប្រទេសកម្ពុជាផង និងពិភពលោកផង។
-ទីបី រោងចក្រផលិតបារីត្រូវតែធ្វើយ៉ាងណាដើម្បីមានការអង្កេតការណ៍ច្បាស់លាស់ពីក្រសួងបរិស្ថាន ក្នុងការទប់ស្កាត់រាល់បរិយាកាសមិនល្អ មានសារធាតុញៀន និងវត្ថុធាតុដើមមួយចំនួនដែលជាកាកសំណល់ និងជះក្លិនមិនល្អសម្រាប់ការបំផ្លាញសុខមាលភាពពលរដ្ឋទូទៅ។
ទី៤ ជាពិសេសបំផុតរាល់ការផលិតបារីទាំងឡាយត្រូវតែសុំច្បាប់ផងដែរពីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍  មុននឹងផលិតចេញគឺក្រសួងមានតួនាទីសំខាន់បំផុតក្នុងការកំណត់នូវគុណភាពផលិតផលក្នុងស្រុក និងផលិតផលនាំចេញពីព្រោះរាល់ការផលិតបារីគឺជាផលិតផលមួយដែលចាត់ទុកថាជាផលិតផលមានតម្លៃខ្ពស់ មានផលប៉ះពាល់ដល់សុខមាភាពពិភពលោក និងជាពិសេសត្រូវគោរពតាមស្តង់ដាអាយអេសអូ(ISO)មួយចំនួនស្ថាបនអន្តរជាតិឬស្ថាបនក្នុងប្រទេសឲ្យបានច្បាស់លាស់ផងដែរ។
ទី៥ រាល់បណ្តាសហគ្រាសក្រុមហ៊ុនផលិតបារីទាំងឡាយណាក៏ត្រូវតែមានការសហការចេញពីអាជ្ញាធរមូលដ្ឋានភូមិឃុំសង្កាត់ផងដែរ ព្រោះអាជ្ញាធរមូលដ្ឋានគឺជាអ្នកដែលដឹងសុខទុក្ខរាល់ម្ចាស់អាជីវកម្ម ឬអ្នកគ្រប់គ្រងលើជំនួញ ពិសេសសុខទុក្ខអ្នកបម្រើការងារក្នុងសហគ្រាសក្រុមហ៊ុនមានបុគ្គលិក កម្មករនិយោជិតផងដែរដើម្បីការរាយការណ៍ និងការពារសុវត្ថិភាពមនុស្សជាចម្បង។
ហើយទិដ្ឋភាពទាំងនេះនៅបន្តតែធ្វើអ្វីតែតាមអំពើចិត្តដោយមិនបានរាយការណ៍ជូនដល់អជ្ញាធរសមត្ថកិច្ចមូលដ្ឋានទេក្នុងករណីដែលការដុតបំផ្លាញគ្មានការសហការជាមួយនឹងមន្ត្រីជំនាញផងដែរនោះ តើសិទ្ធិនៅក្នុងការប្រើប្រាស់តួនាទីលើសពីរការអនុវត្តច្បាប់នោះក្នុងពេលនេះទៅជាយ៉ាងណា ហើយថាតើពេលក្រោយពួកគេនឹងអាចហ៊ានធ្វើអ្វីតែតាមអំពើចិត្តលើសពីនេះក៏ថាបាន។

យើងសូមជម្រាបថាកាតដុតបំផ្លាញនូវវត្ថុសម្ភារៈក៏ដូចជាផលិតផលមួយចំនួននៅក្នុងទីតាំងរោងចក្រផលិតបារីអត់មានស្លាកយីហោត្រឹមត្រូវស្ថិតនៅក្នុងភូមិសាស្ត្រសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ខាងលើនេះ ក្រៅតែពីការរិះគន់ពីសាធារណៈជនចំពោះជនជាតិចិនឬហៅថាគឺគឺដែលមិនយល់ពីច្បាប់កម្ពុជា ហើយនាំគ្នាប្រព្រឹត្តនៅអ្វីផ្ទុយពីច្បាប់នោះ គឺអាចមានន័យថានាំបញ្ហាដល់សុវត្ថិភាពសន្តិសុខរបស់ជាតិកម្ពុជា។

សាធារៈជនក៏ដូចជាសង្គមស៊ីវិលនឹងសង្ឃឹមថាលោក ឃឹម ស៊ុនសូដា អភិបាលខណ្ឌកំបូល និងពិសេសឯកឧត្តម ឃួង ស្រេង អភិបាលរាជធានីភ្នំពេញនឹងមានវិធានការចំពោះករណីនេះជៀសវាងកុំឱ្យមានការដុតបំផ្លាញវត្ថុសម្ភារៈ ឬផលិតផលអ្វីមួយនោះដោយគ្មានការរាយការណ៍ជូនដល់ដែនសមត្ថកិច្ចមូលដ្ឋានឲ្យបានជ្រាប និងកុំឱ្យហ៊ានធ្វើអ្វីតែតាមអំពើចិត្តរបស់ជនជាតិចិនទាំងនេះផងចុះទាន។

សារព័ត៌មានរបស់យើងធ្វើការឆ្លុះបញ្ចាំងអំពីទិដ្ឋភាពដែលកើតឡើងដែលនាំឲ្យមិនចំណេញដល់សង្គមជាតិដែលដំណឹងទាំងឡាយទទួលបានពីពលរដ្ឋក៏ដូចជារាជរដ្ឋាភិបាលកម្ពុជាក្នុងករណីដែលជនជាតិចិនឬហៅថាគឺគឺទាំងនេះបានយកសម្ភារៈវត្ថុមួយចំនួនទៅដុតបំផ្លាញចោលដោយគ្មានជម្រាបដំណឹងជូនដល់សមត្ថកិច្ចណាមួយ និងធ្វើឱ្យប្រជាពលរដ្ឋក្នុងមូលដ្ឋានមានការភ្ញាក់ផ្អើលនោះ គឺព័ត៌មានមួយក៏ដូចជាការបង្ហាញឲ្យថ្នាក់ដឹកនាំជាតិលោកបានដឹងជ្រាបផងដែរ ក្នុងកិច្ចការងារចូលរួមអភិវឌ្ឍន៍សង្គមជាតិកម្ពុជាយើងទាំងអស់គ្នា។
សម្រាប់រាល់ការចុះផ្សាយព័ត៌មានរបស់យើងគឺនាំមកនូវភាពសុខសាន្ត សុខដុមរមនា សន្តិភាពសម្រាប់កម្ពុជា សូមអរគុណ។