Month: November 2024

គម្រោងវិនិយោគចំនួន ៣០គម្រោង និងគម្រោងពង្រីកផលិតកម្ម ចំនួន ០១គម្រោង (សរុប ៣១គម្រោង) ដែលមានទុនវិនិយោគសរុបប្រមាណ ២២៦លានដុល្លារអាមេរិក និងអាចបង្កើតការងារបានប្រមាណ ១៦ ០០០កន្លែងត្រូវបានអនុម័តដោយ ក្រុមប្រឹក្សាអភិវឌ្ឍន៍កម្ពុជាក្នុងខែតុលា ឆ្នាំ២០២៤

រោងចក្រផលិតបារីចិនខណ្ឌកំបូល មានច្បាប់អនុញាតិគ្រប់គ្រាន់ឬមួយយ៉ាងណា?សូមមន្ត្រីក្រសួងពាក់ព័ន្ធជាពិសេស (កបប)មេត្តាចុះត្រួតពិនិត្យ រាជធានីភ្នំពេញ :បន្ទាប់ពី អង្គភាពអ្នកសារព័ត៌មានជាច្រើន បានផ្សព្វផ្សាយ រយៈកន្លងនៅចំណុចទីតាំងរោងចក្រផលិតបារីរបស់ជនជាតិចិន មហាជននិងអង្គការសង្គមស៊ីវិល មានការសង្ស័យចំពោះទីតាំងរោងចក្រផលិតបារី ចិនមួយកន្លែងស្ថិតនៅក្នុងភូមិសាឡូង សង្កាត់កំបូល ខណ្ឌកំបូលរាជធានីភ្នំពេញ ដែលជាទីកន្លែងផលិតបារី ដែលគេអះអាងថាស្របច្បាប់ មានការអនុញ្ញាតិពីក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ និងមានបង់ប៉ាតុងក្តី តែអ្វីដែលអង្គភាពអ្នកសារព័ត៌មានយើង និងយកមកបើកបង្ហាញនោះគឺ នៅមិនគ្រប់គ្រាន់ នៅខ្វះឯកសារពាក់ព័ន្ធជាច្រើនទៀត ដែលរោងចក្រផលិតនិងចែកចាយ នៅមិនទាន់បើកបង្ហាញដើម្បីអោយអង្គភាពអ្នកសារព័ត៌មានយើងបានផ្សព្វផ្សាយជាសាធារណះ ក្នុងគោលបំណងបញ្ជាក់ទៅមហាជន ។ ក្រសួងឧស្សាហកម្ម និងស្ថាប័នពាក់ព័ន្ធ និងមន្ត្រីជំនាញនាយកដ្ឋាន(ក.ប.ប)គួរតែអនុវត្តន៍ច្បាប់ដែលបានចែង នៅក្នុងព្រះរាជណាចក្រកម្ពុជា។ តែអ្វីដែលអង្គភាពសារព័ត៌មានយើង ចង់បើកបង្ហាញនោះ គឺក្លិនរបស់ថ្នាំ រួមនិងសារធាតុញៀន មួយចំនួន ដែលជាមូលហេតុ ធ្វើអោយប៉ះពាល់ដល់សុខភាព និងកើតជំងឺមហាជាច្រើនគ្រប់ប្រភេទដែលកន្លងមកអង្គភាពអ្នកសារព័ត៌មាន ជាច្រើនបានចុះផ្សាយ ជាបន្តបន្ទាប់ ពីមួយទៅមួយ ក្នុងការជំរុញឲ្យមន្ទីរការងារនិងបណ្ដុះបណ្ដាលវិជ្ជាជីវៈ និងស្ថាប័នពាក់ព័ន្ធជួយឆ្លើយបំភ្លឺ ចំពោះទីតាំងរបស់ក្រុមហ៊ុនខាងលើគឺជាកន្លែងផលិតបារីស្របច្បាប់ក្តី តែគ្រាន់តែជារនាំងបិទបាំង បង្កើនផលិតសារធាតុញៀន និងផលិតស្លាកយីហោ ផ្សេងៗជាច្រើន ។ បើយោងទៅតាមច្បាប់ដែលបានចែងនៅក្នុងក្រសួងពាណិជ្ជកម្មត្រូវបានកំណត់ម៉ាក ចំនួនផលិតផល និងឈ្មោះក្រុមហ៊ុនទៅតាមការផ្ដល់ជូនមានចំនួនកំណត់ជាក់លាក់នៃក្រុមហ៊ុនខ្នាតតូច មធ្យម និងខ្នាតធំ […]

ទីតាំងដ៏ធំដែលមិនមានលើកស្លាកថាជាក្រុមហ៊ុនរកសុីអ្វីឲ្យពិតប្រាកដគ្រាន់តែជាកន្លែងស្តុកនៃការប្រមូលទិញកង់ឡានជជុះនៅកម្ពុជានិងបានចរាចរណ៍ឲ្យរថយន្តធំៗរបស់វៀតណាមដឹកជញ្ជូនទៅហើយនិងមកជាប្រចាំ ខេត្តព្រៃវែង :បើយោងតាមមតិសាធារណៈបាននិយាយតៗគ្នាថានៅទីតាំងភូមិម៉ឺនជ័យ ឃុំស្មោងខាងត្បូង ស្រុកកំចាយមារ ខេត្តព្រៃវែង មានរថយន្តធំៗ របស់ជនជាតិវៀតណាមចេញហើយនិងចូលទៅហើយនិងមកតាមច្រក់អន្តរជាតិអន្លង់ជ្រៃដែលនៅមិនឆ្ងាយពីទីតាំងដីឡូមួយដ៏ធំដោយស្តុកទំនិញកង់ឡានជជុះ។ នៅក្នុងទីតាំងកន្លែងនេះមានការស្តុកនូវទំនិញកង់ឡានដែលដឹកជញ្ជូនគ្រប់ខេត្តក្រុងមកដាក់ទីនេះ ហើយបន្តនាំទៅប្រទេសវៀតណាមដោយមានរថយន្តពាក់ស្លាកលេខវៀតណាមស៊េរីV1ធំៗចេញចូលទៅហើយនិងមកជារៀងរាល់ថ្ងៃ។ ប្រជាពលរដ្ឋបានប្រាប់ឲ្យអ្នកសារព័ត៌មានជ្រាបដំណឹង និងធ្វើការផ្សព្វផ្សាយដំណឹងជូនដល់ថ្នាក់ដឹកនាំឲ្យបានជ្រាបជាព័ត៌មានអំពីសកម្មភាពទាំងអស់នេះផង។ ហើយដើម្បីជាការឆ្លើយតបក្នុងកិច្ចការងារបម្រើសង្គមក្រុមអ្នកសារព័ត៌មានរបស់យើងក៏បានចុះទៅដល់ទីតាំងនោះក៏ឃើញមានរថយន្តធំៗរបស់វៀតណាមតម្រៀបជាជួរៗដើម្បីត្រៀមដឹកទំនិញជាប្រភេទកង់ឡានត្រៀមចេញទៅប្រទេសវៀតណាមមែន។ពេលនោះបន្ទាប់ពីអ្នកសារព័ត៌មានរបស់យើងបានពិនិត្យឃើញហើយក៏បានធ្វើការសាកសួរទៅលោក អភិបាលស្រុកកំចាយមារខេត្តព្រៃវែង ថាតើទីតាំងនេះលោកបានជ្រាបជាដំណឹងដែរឬទេឋណះលោកទើបមកកាន់តំណែងថ្មីៗ ហើយការធ្វើអាជីវកម្មនេះស្របនឹងតាមច្បាប់នៃប្រទេសកម្ពុជាដែរឬយ៉ាងណា? ខណៈពេលនោះលោកបានបញ្ជាក់ថា ដោយសារទីតាំងនេះគឺជាស្ថិតក្រោមការគ្រប់គ្រងនៃដែនគ្រប់គ្រងកិច្ចការព្រំដែនគោកនៃច្រក់អន្តរជាតិអន្លង់ជ្រៃ ដូច្នេះលោកសូមឱ្យអ្នកសារព័ត៌មានជួយសាកសួរទៅអ្នកគ្រប់គ្រងច្រក់អន្លង់ជ្រៃតែម្ដងទៅ។ ស្របពេលជាមួយគ្នានោះដែរអ្នកសារព័ត៌មានរបស់យើងក៏ធ្វើការទំនាក់ទំនងផ្ទាល់តាមរយៈលេខទូរសព្ទ ០៣១ ៨៩១៧..៧ លេខនេះជាលេខទូរស័ព្ទដៃបស់លោកជាប្រធានច្រក់អន្តរជាតិអន្លង់ជ្រៃ ក៏ប៉ុន្តែពេលដែលហៅទូរសព្ទចូលហើយ ម្ចាស់លេខទូរសព្ទថាគាត់មិនមែនជាអ្នកគ្រប់គ្រងច្រក់ទេគ្រាន់តែជាអ្នកគ្រប់គ្រងមើលការខុសត្រូវក្រុមហ៊ុនចិនទៅវិញ។ តែទោះជាយ៉ាងណាក៏ដោយមហាជនក៏ដូចជាអ្នកធ្វើអាជីវកម្មមុខរបរដូចៗគ្នាឬក៏ប្រហាក់ប្រហែលគ្នាក៏នៅរង់ចាំទទួលការឆ្លើយតបបំភ្លឺពីស្ថាប័នពាក់ព័ន្ធមានដូចជា ប្រធានច្រក់អន្លង់ជ្រៃថាតើការដឹកជញ្ជូនទៅហើយនិងមកមានការបង់ពន្ធអាករជូនរដ្ឋដែរឬទេឬបង់កម្រិតណាដែរ? ហើយការដឹកជញ្ជូនទាំងអស់នេះដែលជាទំនិញធ្ងន់ៗនិងបានមកពីការទិញលក់ដោយឆ្លងដែនរវាងកម្ពុជាវៀតណាមមានការត្រួតពិនិត្យបានត្រឹមត្រូវដែរឬយ៉ាងណា ឬមានទំនិញអ្វីផ្សេងៗដទៃទៀតលាយឡំគ្នាដែរឬយ៉ាងណាពីព្រោះរថយន្តដែលដឹកកង់ឡានទាំងអស់នោះសុទ្ធសឹងតែមានការគ្របដោយកៅស៊ូជិតៗ? បើគ្រាន់តែជាទីកន្លែងស្តុកទំនិញដ៏ធំទាំងអស់នេះបើគិតជាសាច់ប្រាក់រាប់ពាន់ម៉ឺនដុល្លារក្នុងមួយថ្ងៃៗ តែបែរជាមិនលើកស្លាកយីហោថាជាអាជីវកម្មឬក្រុមហ៊ុនអ្វីសោះនោះឱ្យបានត្រឹមត្រូវ? បន្ថែមពីចម្ងល់លើនេះគឺសូមឱ្យមន្ទីរពន្ធដារខេត្តព្រៃវែងជួយធ្វើការពិនិត្យអំពីទីតាំងមួយនេះដោយក្តីអនុគ្រោះផងចុះផងចុះ។   អង្គភាពសារព័ត៌មានរបស់យើងទាំងអស់និងរង់ចាំទទួលយកបំណឹងនៃការឆ្លើយតបត្រឡប់មកវិញដើម្បីបញ្ជាក់ជូនដល់សាធារណជនក៏ដូចជាម្ចាស់អាជីវកម្មផ្សេងៗដទៃៗទៀត ដើម្បីកុំឲ្យមានមន្ទិលសង្ស័យថាសកម្មភាពអ្នករកស៊ីមួយចំនួនមានការគោរពច្បាប់ដោយមានការបង់ពន្ធយ៉ាងត្រឹមត្រូវជូនរដ្ឋ ជៀសសវាងការរកស៊ីមិនមានភាពស្មើគ្នាចំពោះមុខច្បាប់ សំខាន់បំផុតជៀសវាងការបាត់បង់ចំណូលពន្ធរបស់រដ្ឋ។ សារព័ត៌មានរបស់យើងធ្វើការចេញផ្សាយស្របតាមច្បាប់ស្ដីពីរបបអ្នកសារព័ត៌មាននិងធម្មនុញ្ញវិជ្ជាជីវៈអ្នកសារព័ត៌មាននៅកម្ពុជា ដែលរាជរដ្ឋាភិបាលឱ្យធ្វើការចូលរួមផ្សព្វផ្សាយដំណឹងក្នុងកិច្ចការងារបម្រើសង្គមនៃការអភិវឌ្ឍន៍ប្រទេសជាតិកម្ពុជាយើងទាំងអស់គ្នា សូមអរគុណ។

នោះព្រះអើយ! ធ្លាប់តែឮគេនិយាយតឮភ្លាពីមាត់មួយទៅមួយ ឥឡូវនេះឃើញច្បាស់នឹងភ្នែកតែម្ដង ! ការនាំចូលទាំងខុសច្បាប់នូវសាច់បង្កបតាមច្រករបៀងពីប្រទេសវៀតណាមអាចជាហេតុនាំឲ្យប្រជាពលរដ្ឋខ្មែររងគ្រោះផ្នែកសុខភាព ខេត្តស្វាយរៀង: បើតាមការលើកឡើងរបស់ប្រជាពលរដ្ឋមួយចំនួនប្រាប់មកអ្នកសារព័ត៌មានយើងឱ្យជួយពិនិត្យ និងធ្វើការចុះផ្សាយជម្រាបដំណឹងដល់អាជ្ញាធរថ្នាក់ជាតិ និងក្រោមជាតិពិសេសមន្ត្រីសមត្ថកិច្ចមានជំនាញជួយធ្វើការទប់ស្កាត់រាល់ការលួចនាំចូលសាច់មាន់បង្កកមួយចំនួនតាមរយៈច្រករបៀងស្ថិតនៅភូមិធ្លក សង្កាត់ច្រក់ម្ទេស  ទល់មុខសាលាក្រុងបាវិត ក្រុងបាវិត ខេត្តស្វាយរៀង ព្រំដែនកម្ពុជាវៀតណាម។ ចំពោះប្រភេទសាច់ទាំងអស់នោះមិនត្រូវបានធ្វើការត្រួតពិនិត្យតាមរបៀប និងបច្ចេកទេសពេទ្យសត្វនោះទេ ឬក៏មន្ត្រីពាក់ព័ន្ធ ហើយសូមឲ្យថ្នាក់ដឹកនាំជ្រាបជាព័ត៌មាន! នាព្រឹកព្រលឹមម៉ោងប៉ុន្មានជាង៦ព្រឹកអ្នកសារព័ត៌មានរបស់យើងបន្ទាប់ពីមានសេចក្តីរាយការណ៍ចេញពីប្រជាពលរដ្ឋក៏បានធ្វើដំណើរដើម្បីពិនិត្យមើលនូវរាល់នូវទិដ្ឋភាពដែលជនជាតិវៀតណាមដឹកសាច់បង្កកតាមម៉ូតូដោយគ្មាននរណាពិនិត្យនោះទេគឺចូលមកទឹកដីខ្មែរដើម្បីចែកចាយបន្តតាមទីផ្សារក្នុងប្រទេសកម្ពុជា ហើយបើទោះបីជានរណាមានផលប៉ះពាល់សុខភាពក៏ដោយ។ ជុំវិញករណីខាងលើនេះអង្គភាពសារព័ត៌មានរបស់យើងសូមជម្រាបជូនដំណឹងជូនចំពោះឯកឧត្តម ប៉េង ពោធិ៍សា អភិបាលខេត្តស្វាយរៀង លោកឧត្តមសេនីយ៍ទោ ពេជ្រ វីរៈ ស្នងការនៃស្នងការដ្ឋានខេត្តស្វាយរៀង លោក គុជស៊ីថា ប្រធានមន្ទីរសុខាភិបាលខេត្តស្វាយរៀង និងមន្ត្រីជំនាញ មន្ត្រីនៃ កងកម្លាំងការពារព្រំដែនគោកច្រក់ម្ទេស  ជ្រាបជាព័ត៌មានតាមរយៈបណ្ដាញការផ្សព្វផ្សាយនៃសារព័ត៌មានរបស់យើង។ដោយអង្គភាពសារព័ត៌មានរបស់យើងពុំទាន់មានលេខទូរសព្ទដើម្បីធ្វើការទំនាក់ទំនងដោយផ្ទាល់។ ហើយសារព័ត៌មានរបស់យើងធ្វើការផ្សព្វផ្សាយតាមច្បាប់ស្ដីអំពីរបបវិជ្ជាជីវៈអ្នកសារព័ត៌មាននៅកម្ពុជា និងស្របតាមធម្មនុញ្ញវិជ្ជាជីវៈអ្នកសារព័ត៌មាន សូមអរគុណ។ ចេញផ្សាយដោយសារព័ត៌មាន Phnompenh Today Tel:0888753768

សាធារណៈជនកំពុងមានការរិះគន់ថាជនជាតិវៀតណាមមានខ្នងបង្អែកដ៏រឹងមាំ ហ៊ានចូលនេសាទល្មើសលើផ្ទៃទឹកខេត្តតាកែវ ក្រោមការចាត់ចែងមន្ត្រីអាវុធហត្ថខេត្តម្នាក់ដែលផ្ទុយពីប្រសាសន៍សម្ដេច ហ៊ុនសែន ថាធ្វើជាមន្ត្រីត្រូវមានតួនាទីដើម្បីកំចាត់ពួកឈ្មួញរកស៊ីនេសាទខុសច្បាប់លើផ្ទៃទឹក។ ខេត្តតាកែវ បើយើងអង្កេតមើលទិដ្ឋភាពនៅក្នុងស្រុកអង្គរបុរី និងស្រុកបុរីជលសារ ជាប់ព្រំប្រទល់ប្រទេសវៀតណាមមាន សមត្ថកិច្ចថ្នាក់ជាតិ និងស្ថាប័នជំនាញកំពុងដេកលុងលក់ចំពោះបញ្ហា ជនវៀតណាម ចូលមកនេសាទក្នុងទឹកដីខ្មែរយ៉ាងគគ្រឹកគគ្រេង ក្រោមការចាត់ចែងនិងសម្របសម្រួល ដោយមន្ត្រីកងរាជអាវុធហត្ថខេត្តតាកែវម្នាក់ដែលមានឥទ្ធិពលមិនមែនតូច អាចយកដៃបាំងមេឃ បង្កើនបទល្មើសនេសាទ និងអនុវត្តចាត់ចែងផ្សេងៗបាន។ នេះគឺជាការលើកឡើងហើយក៏ជាការផ្ដល់ដំណឹងជូនលោកវ៉ី សំណាង អភិបាល ខេត្តតាកែវ គួរតែសិក្សាក្នុងបញ្ហានេះ និងចាត់វិធានការទប់ស្កាត់ ចំពោះជនជាតិវៀតណាមចូលនេសាទខុសច្បាប់ទាំងនេះចៀសវាងទាល់តែថ្នាក់ដឹកនាំកំពូលៗ ឬនាយករដ្ឋមន្ត្រីលោកមានប្រសាសន៍។ បើយោងតាមសេចក្តីរាយការណ៍បានឲ្យដឹងថា ជនជាតិវៀតណាមដែលចូលមកនេសាទក្នុងទឹកដីខ្មែរនៅស្រុកអង្គរបុរីនិងស្រុកបុរីជលសារត្រូវបង់លុយឲ្យលោកកេ(ជនជាតិវៀតណាម) ដែលជាប្រតិបត្តិករដោយផ្ទាល់នៅលើផ្ទៃទឹកក្នុងតំបន់ទាំងពីរនេះ។ ការបញ្ជាក់ច្បាស់ៗតៗគ្នាទៅលើទិដ្ឋភាពជាក់ស្ដែងនៅផ្ទៃទឹកថាលោក សុខ ឡេះ រងការចោទប្រកាន់ពីសំណាក់ប្រជាពលរដ្ឋ យោងតាមសេចក្តីរាយការណ៍បានបញ្ជាក់ថា លោកកេ ជាអ្នកដើរប្រមូលលុយពីអ្នកនេសាទវៀតណាមដើម្បីយកបន្តឲ្យហើយបើមានបញ្ហានៅលើផ្ទៃទឹកគឺលោកកេ ជាអ្នកដោះ ស្រាយដោយផ្ទាល់,តែបើរឿងនោះជារឿងធំដុំគឺត្រូវមាន មុខលោក សុខ ឡេះ ជាអ្នកចេញមកសម្របសម្រួលគ្រប់ពេលវេលា។ ជាក់ស្ដែងបើតាមសេចករាយការណ៍ពីអ្នកនេសាទវៀតណាមប្រាប់អ្នកកាសែតនៅផ្ទៃទឹកក្នុងស្រុកអង្គរបុរីឲ្យដឹងថា ពួកគេបានបង់ប្រាក់ឲ្យឈ្មោះកេ ក្នុងការនេសាទណូរ៉ាវប្រវែង ៥០០ម៉ែត្រ២០ លានដុង។ សកម្មភាពល្មើសច្បាប់បែប នេះត្រូវបានធ្វើជាប្រចាំដូចបណ្ដាឆ្នាំមុនៗដែរ បើទោះបី ជារាជរដ្ឋាភិបាលបានផ្លាស់ប្ដូរចៅហ្វាយខេត្តហើយ ក៏ ដោយ។ ពួកមន្ត្រីជលផលខេត្តតាកែវ ក្រោមការដឹកនាំរបស់លោកសៅ […]