តើរោងចក្រផលិតបារីបានអនុញាតិច្បាប់គ្រប់គ្រាន់ ឬជាការគេចវេសពីការបង់ពន្ធ ទាំងនេះជាចំណាប់អារម្មណ៍សាធារណជន!
ខេត្តតាកែវ :សាធារណៈជនផ្ទុះការសង្ស័យអំពីទីតាំងរោងចក្រផលិតបារីមួយកន្លែងឈ្មោះ LKZ HUA SHENG TIAN (CAMBODIA) Tobacco.,Ltd.ស្ថិតនៅក្នុងភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ ថាជាទីកន្លែងផលិតនៅបារីដែលមិនស្របទៅនឹងច្បាប់ដែលបានចែងរបស់ក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ ជាពិសេសត្រូវមានការអនុញ្ញាតចេញពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។
កន្លងមកខណះព័ត៌មានក្នុងស្រុកជាច្រើនព័ត៌មានបានចុះផ្សាយពីមួយទៅមួយដែលជំរុញឲ្យមន្ទីរការងារនិងបណ្ដុះបណ្ដាលវាជាជីវៈមានការឆ្លើយតបត្រឡប់ទៅវិញថាទីតាំងរបស់ក្រុមហ៊ុនខាងលើគឺជាកន្លែងផលិតបារីស្របច្បាប់ បានលើកឡើងនូវលិខិតចុះថ្ងៃទី០១ ខែមីនា ឆ្នាំ២០២៤ដោយសង្កត់ធ្ងន់ថាជាកន្លែងមានច្បាប់ទៅតាមស្ថាបនពាក់ព័ន្ធដូចជាសេចក្តូប្រកាសបើកសហគ្រាសរបស់មន្ទីរការងារនិងបណ្ដុះបណ្ដាលវិជ្ជាជីវៈខេត្ត ប័ណ្ណប៉ាតង់របស់ក្រសួងសេដ្ឋកិច្ច និងហិរញ្ញវត្ថុ វិញ្ញាបនបត្តិចុះបញ្ជីពាណិជ្ជកម្ម វិញ្ញាប័ណ្ណបត្របង្កើត ឬចុះបញ្ជីសិប្បកម្ម របស់មន្ទីរឧស្សាហកម្ម សិប្បកម្ម និងនវានុវត្តន៍ និងលិខិតអនុញ្ញាតដំណើររបស់មន្ទីរបរិស្ថានខេត្ត។
ស្របពេលនោះផងដែរ រដ្ឋបាលស្រុកបាទីខេត្តតាកែវក៏បានចេញនូវសេចក្តីបំភ្លឺព័ត៌មានចុះថ្ងៃទី ២៩ ខែកុម្ភះ ឆ្នាំ២០២៤ថាសូមឱ្យសាធារណជនកុំឲ្យមានការភាន់ច្រឡំអំពីការចុះផ្សាយរបស់សារព័ត៌មានមួយចំនួនថាទីតាំងកន្លែងផលិតបារីខាងលើនេះគឺជាកន្លែងខុសច្បាប់ឲ្យសោះ ។
ក៏ប៉ុន្តែថ្វីបើជាកការចេញសេចក្តីប្រកាសរបស់សាលាស្រុកបាទី និងការចេញប្រកាសរបស់មន្ទីរការងារ និងបណ្ដុះបណ្ដាលវិជ្ជាជីវៈខេត្តតាកែវ ទាំងនោះត្រឹមត្រូវក៏មែនពិតក៏ដោយ ក៏មានប្រភពព័ត៌មានមួយចំនួនដែលបានអាសអាងពីមួយទៅមួយថាការផលិតម៉ាកផ្សេងៗមានការលួចលាក់ ដើម្បីជាការគេចចេញពីការបង់ពន្ធ ឬចុះបញ្ជីការនៅក្នុងក្រសួងពាក់ព័ន្ធដែលអនុញ្ញាតដោយច្បាប់។
បើយោងទៅតាមច្បាប់ដែលបានចែងនៅក្នុងក្រសួងពាណិជ្ជកម្មត្រូវបានកំណត់ម៉ាក ចំនួនផលិតផល និងឈ្មោះក្រុមហ៊ុនទៅតាមការផ្ដល់ជូនមានចំនួនកំណត់ជាក់លាក់នៃក្រុមហ៊ុនតូច មធ្យម និងធំ និងចាំបាច់ត្រូវតែផ្ដល់ជូនទៅតាមចំនួនដែលបានសុំពីម្ចាស់សហគ្រាសឬម្ចាស់ក្រុមហ៊ុនដើម្បីអនុវត្តចេញដោយក្រសួងពាណិជ្ជកម្ម។
ផ្អែកតាមច្បាប់ដែលបានកំណត់ដោយនាយកដ្ឋានពន្ធដាររបស់ក្រសួងសេដ្ឋកិច្ច និងហិរញ្ញវត្ថុដែលបានផ្ដល់ជូននូវតម្លៃ និងផលិតផលបានកំណត់ត្រូវតែការបង់ពន្ធទៅតាមម៉ាកនីមួយៗ ដែលត្រូវបានចុះបញ្ជីក្រោមស្លាកយីហោរ ឬប្រភេទផលិតផល។
ទាក់ទងចំពោះការផលិតទៅនឹងវត្ថុធាតុដើមទតាមស្តង់ដា និងបទដ្ឋានក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក៏បានកំណត់នូវមុខរបររបស់ម្ចាស់សហគ្រាសឬក្រុមហ៊ុនដែលមានទំហំនៃមូលធនដែលបានកំណត់ដោយច្បាប់ថាត្រូវបានចែងក្នុងមូលដ្ឋាននៃច្បាប់ និងធ្វើការផលិតនូវផលិតផលទាំងអស់ឲ្យស្របតាមស្តង់ដា នៃព្រះរាជាណាចក្រកម្ពុជា និងស្របតាមគោលការណ៍មួយចំនួននៃស្តង់ដាអន្តរជាតិ។
មហាជនក៏ទន្ទឹងរង់ចាំមើលថាតើស្ថាប័នពាក់ព័ន្ធទាំងអស់នៅក្នុងវិស័យឧស្សាហកម្មរោងចក្រផលិតបារីម៉ាកមួយចំនួនខាងលើ ដោយសង្ស័យនូវការលួចផលិតនៅម៉ាកដទៃទៀត តើជារឿងនេះពិតដែរឬយ៉ាងណានោះ?
ម្ចាស់អាជីវកម្មដ៏ទៃៗ និងសាធារណៈជនសំណូមពរឲ្យស្ថាប័ននៃក្រសួងពាក់ព័ន្ធធ្វើស្រាវជ្រាវ ដើម្បីបញ្ចៀសនូវចម្ងល់ និងការពារការបាត់បង់ចំណូលរបស់រដ្ឋ ពីសេសសូមឲ្យមានតម្លាភាពក្នុងជីវិតអាជីវកម្ម ឧស្សាហកម្មដូចគ្នា។
អង្គភាពសារព័ត៌មានរបស់យើងក៏រង់ចាំទទួលនូវការឆ្លើយតបត្រឡប់មកវិញនៃស្ថាប័នពាក់ព័ន្ធទាំងអស់ដើម្បីធ្វើការចុះផ្សាយជាបន្តបន្ទាប់ជុំវិញករណីនៃការលើកឡើងខាងលើនេះតើវាជារឿងពិតឬក៏យ៉ាងណាថា (តើរោងចក្រផលិតបារីបានអនុញាតិច្បាប់គ្រប់គ្រាន់ ឬជាការគេចវេសពីការបង់ពន្ធ ទាំងនេះជាចំណាប់អារម្មណ៍សាធារណជន) សារព័ត៌មានរបស់យើងគ្មានបំណងអ្វីផ្ទុយពីច្បាប់បានកំណត់ ដើម្បីចូលរួមចំណែកផ្សព្វផ្សាយទប់ស្កាត់នូវរាល់ព័ត៌មានក្លែងក្លាយ និងចូលរួមអភិវឌ្ឍន៍ជាតិជាមួយរាជរដ្ឋាភិបាលកម្ពុជាតាមរបបវិជាជីវៈអ្នកសារព័ត៌មាននៅកម្ពុជា សូមអរគុណ។
